我知我愛你，
但我有多愛你，我唔知。
我會可以愛你幾耐，我唔知，
我愛你d咩，我唔知。
我幾時開始愛上你，我唔知。
所有野其實發生得太快，太冇先兆。
你係咪岩我，我唔知，
我又係咪岩你，我唔知。
我地有冇未來，我唔知。
我一直等你到底為左咩，我唔知。
其實由識你，到愛上你，到而家，已經五個月，
我一直冇時間，又或者唔敢諗依d問題。
我唔知我唔敢諗係驚咩野，
可能係怕太多問題會搵唔到答案，
亦可能係怕有太多問題的答案並唔如我所願。
但直至師兄哥哥昨日問我，
係今晚冇電視好睇的情況之下，
我終於思考過依d問題。
的確有好多野我搵唔到答案，
唯一可以肯定的係我依一刻好愛你，好想同你一直生活落去。
我自問，我愛你，等你的目的當然係想同你一齊。
如果話唔想同你一齊，
就係呃人，呃自己的。
我唔相信依個世界有咁偉大的人，
就算幾愛都一定會想同對方一齊。
但思考過後，我依然選擇等你，
因為冇人可以肯定我同唔到你一齊，
依個問題冇絕對的答案。
不過唔知，
如果100%唔可以同你一齊，我係咪仲會一直等落去呢??
-------------------------------------------------------------------------------------------
其實每次愛上一個人，
我好怕比人知我其實處於一個好唔樂觀的情況。
有時寧願呃人，呃自己，
因為好怕比人踢爆心中的不安。
自己知道，難過係一件事，
比人公開係成班人面前踢爆，討論係另一種難過的感覺。
其實或者知道我依個blog已經好耐冇人睇，我先夠膽係到打咁多未公開過的事。
|
