就只係得番英文,好快我就會真係考完我既會考...
好快就會真係唔使再讀書
之後,我好似有好多野要去做咁...
讀日文,搵工,搵去日本的資料,減肥......etc
雖然好似一切都計劃好,一定會去日本咁
但其實我仲係唔係好有信心
我真係可以讀得到d日文課程??
日本d學校真係會收我??
我真係可以搵到工,儲到足夠既錢去日本??
我真係捨得香港的一切,就咁過去??
昨晚我發夢,見到自己真係過左去日本
果陣岩岩係日本放假番黎,想見下班朋友,
點知個個既電話都打唔通,有d仲連電話都已經停止使用
其實要去一個地方咁長時間,最唔捨得既仲係香港既一切
朋友,家人,中意的人,回憶...etc
當中我可以帶走既就只有回憶~
其實如果我真係去得成,我最想既就係同一班我重視的人建立多d開心既回憶
同家人,我最想既就係可以開開心心咁出去玩一日,唔好嗌交
同朋友,我最希望就係可以齊人咁開一個party,影多幾張合照（咁我先可以日日見到你地嘛~）,
之後可能會一齊係其中一個人既屋企到過夜,傾計傾通宵xd"
哈哈" 我覺得自己好似係度發緊白日夢咁
上面果d野會唔會發生就有排都唔會知,但而家呢
我最重要既就係為我的夢想努力
因為唔係每一個人都可以搵到自己的夢想,所以既然我搵到就更要努力完成佢=]
|
