過左2011第一日我先黎打2011第一日的blog= =
2011年啦，依一年真係發生左好多好多好多事.....
會考我考過，榜我放過，工我番過，
喊我喊過，笑我笑過，嬲我嬲過，醉我醉過
同你地一齊去長洲，一齊開christmas party....
依d一齊玩，一齊癲的時刻係我依年最開心的時刻。
一直以黎我都開心有你地...
vicky...ayan...何彤...melon...啊kiu...表妹...肥雞...葦樂...iyrus...billy...
雖然最中意串我同玩我的都係你地，但我仍然係最中意你地。
我知好多野唔可以成日靠人，要自己做，但只要有你地，使我知道我唔係自己一個人就夠了....
依一年我莫名其妙地愛上一個冇諗過自己會愛上的人，而且仲要係好愛好愛，有史以黎最愛，
岩岩識佢果時我覺得自己過緊最幸福的時刻，因為佢比上一個我愛的人好太多。
佢會肯帶我上佢屋企，唔介意屋企人之後會問長問短，
佢會幫我撲車，會唔介意把所以野都講我知，
會肯花錢花時間陪我出去食飯，陪我搵日文學校，
佢會因為我唔開心而鬧使我唔開心的人......
但係2010的最後，我徹底失去了再陪係你身邊的資格....
其實一直我好努力咁改變自己去成為你會喜歡的人，我一直不斷不斷放棄自己喜歡的事。
直至12月31日我終於可以做番一切我喜歡做的事，但我真係寧願唔可以。
你話我係好女仔，咁點解你唔要我??
我都唔係好過份姐，我冇話過要做你女朋友啊，我只係想一直係你身邊姐，點解咁都要趕我走??
你話希望我搵到比你更好的男仔，咁如果我已經覺得你係最好架呢，咁點算好啊??
如果我搵唔到比你更好架呢，咁又點算啊??
上年真係太多人唔開心，唔只我一個=(
記得上一年的1月1日我寫左10個目標，但今年我真係好簡單地只係希望2011年可以比2010年快樂咁就夠啦...
|
