就係母親今日，終於開始左我第二份打工。
明明7點幾起左身，但都要快步走去茶樓呢?冇咩，因為第二份工作未開始我都快遲到。
著住條舊校服褲，著理件工作服，聽人地講下點點點，茶樓打雜工作開始。
左行右行像個傻仔，直到經理同我講見碟空人走了，就去收拾，我先知工作如何。
左拾拾右拾拾，左添水右倒茶，有人叫我拾左台但我係到汁緊右台，打雜工作不容易。
倒籠碟子要覆手，加水開關要置中，收台布時要向內，打雜工作學問多。
一個鐘汁野少，兩個鐘人流開始多，第三個鐘好忙，第四個鐘多人到有啲過份，工作數量真不少。
10點幾，員工開飯，出面冇位坐到去廚房食，出身汗仲係只可飲熱水，不過工作休息要珍惜。
我最早食完飯，只有我一個汁台，經理要我入房汁，發現裏面有六張大台，工作有時真羅命。
推車中途見到學校老師，汁台中途見到學校同學，添水中途見到個大美人，工作中途還真有趣。
邊到要汁台，練眼力﹔汁野到車上，練快手﹔拎滿到洗房，練手力﹔來回去汁台，練腳力﹔工作就是苦練。
一個鐘兩個鐘三個鐘，慢慢六小時便過去，脫下工作服，又係時候領薪金，工作就是這樣。
寫低我的大名，領了錢，就咁樣我第二份打工的開始就完結了。
剛領到的薪金，便立刻買了瓶2公升飲料，直接就係街上喝，真不好意思，當然見到無咩人先做啦。
返到屋企，坐左係張椅到就吾想起身，感受著大自然的風力，便在椅上小休一下。
仲有~~~我將一半錢都比左媽子，雖然只係少少心意，但我都希望媽能夠高興。
|
