看看上一篇，估吾到已經過左差吾多兩年，依架再寫會吾會有啲遲.....唔........奇怪，咁的開場白，遲啲睇返未會覺得好白痴....管他的。

好啦講返今日，城大開學，吾算係正式開學，只係叫我地返學姐。我會來城大讀書，好大的原因係佢有博苗計劃，係返學之餘又返工，而且係學費全免。其實講就咁講，自己有幾多斤兩自己都心知土明，自己又吾係醒個炸，考又考吾到"好"的學校，有學校收又吾洗交錢，仲想點啊，中伏都去馬啦。

遠了遠了，入返正題。因為我係博苗計劃成員，所以比平常人早半個多月左右開學，既無開學禮，更加無果啲校長致詞甚麼的，單順的上課。十點半上課，熱為左吾遲到，提早一個鐘出門口，九點幾溫度都高下，他媽的八號半個鐘頭先來到，因為我坐係同司機平坐的位，鐘就係我眼前所以知道幾時上車，吾知係咪心理因素，硬係覺得個司機開車真係慢到佢，好像新手咁，車到左高士德竟然走錯路轉錯彎，我都吾知講咩好，不過聖人都有錯，吾怪佢。最後到文化中心果到剛好十點半，上到去自然就.......第一日返就遲到.......

上到去人滿，坐最後找朋友，嘩.....個死肥仔真係吾打吾得，一返到來講個吾停，係吾停，係吾停，好似要將畢生所儲的話係果兩三個鐘全都要講完咁，明吾明啊，係他媽的煩，他他他媽的媽的煩夠未啊!!!

致於上課.....上左啲咩，來來去去都係果啲野，理論性果啲，明就明，吾明就吾明，不知為不知痲。上課果陣我都想答問題架，不過就係反應慢左啲，思維慢左啲，話題完左先開始諗個話題講啲咩姐。

一日上三個鐘，長吾長，好在講的都還可以，不過係普通話，而且係一邊加插英文，雖然合我呢種英文差都不行的，開頭有心機，但後面就開始....至少未到我會訓果種地步。

放左學同文西佢地食野，個天開始講雨，車一路奔馳雨越落越大，最後到佑漢街市人都全濕了。係果到食左果炒河，之後阿薜返屋企扲雨衣，開車返到來雨竟然停左，不過有咩所謂，停雨未停雨羅，不過又遲到，因為要係兩點半到十六浦。

上到去十六浦辦公室外面，佢地剛好開完會，我心諗OMG，好在佢地話上頭講下啲無聊野。之後我地去左試制服，唔....我着得就是肥左啲，不過都冇咩野，頸果到窄左啲，手腕果到想長少少，麻煩大姐，自我感覺良好。又影左相整員工證，淋完雨個頭怪怪的，只希望吾好太過奇怪，識得出我就好了，雖然吾係太多人可以見到。

咩到整好啦，最後文西車我返屋企，啊!!!感動。