明明放學都竟然咁忙。

中午特意去到去5班到借語文作文[追風箏的孩子]後感來抄，抄到我人都快瘋，到左我還返比阿輝果時，佢同我講佢係最後一個交，真係有點對佢吾係幾好意思。返到個班諗下諗下，天啊，物理仲未做過啊，化學明天就要測驗，習作近半未做，真係兩頭難，就係果陣阿sir走左入來趕人走，咁無計啦，物理想抄交都無辨法做，我都吾想，真係吾想，至於化學，到時應該有辨法架啦。

4點2、3個字出到來，4點8先賽鐵餅，無事做，去定賽區等等，哇靠，真係吾知原來鐵餅咁受人歡喜，參加人數多到距，真係想駡人，咁多人，想幾點先完啊。女仔擲鐵餅真係十分精彩，咁多種姿態，咩都出曬來，真係人生百態，真係學都學吾來。等左一個鐘，終於到男仔登名，阿陽也上完堂下來等我，雖然佢催我走勁多次，但我係有體育精神的人，點可以未擲就走人呢，不過都係吾多好意思，畢竟最後都要佢等左半個鐘先走，所以我星期三會等返架，當然，等我上完英文督補之後啦。最後到了四十五號的我以一個十分英威之態飛個餅出去，因為型得仔要我飛多次，唉，真係吾好意思架痲，再飛多次之後，即使佢再叫我都吾飛，六點到來啦，吾洗打機啊，不，吾洗溫習啊。之後係微雨底下背上黑色背包同阿陽回家去了。

終於結束左，上左中學五年，五年校運會項目，五年都係鐵餅，五年都入到決賽，只不過五年都無獎牌羅之痲。期待第六年高三繼續鐵餅。