最近我都吾多想煮飯，有時煮個面，或者食返啲月餅，飲碗湯水再或者食返個生果咁就當晚餐。

今日一樣，都係吾多想洗米煮飯，但係又鬼咁肚餓，睇下電飯煲，好彩仲有一碗仔中午剩飯，所以就決定炒飯。係雪櫃搵有咩餸可以炒，竟然係無，今朝連最後一隻蛋都食鬼理，吾通叫我落去買咩，痲煩，吾要。再搵下，嘩，有兩盒月餅仲未食，頂，月餅抄飯，聞所未聞，仲有啲生果，唉，算，用蔥花再切啲薑絲炒算。雖然炒中途落啲豉油，落啲辣椒碎增加左啲味道，但總係覺得怪怪地，所以夾左件腐乳餸飯食，諗下諗下，我咁大果仔都係第一次食咁晚餐，其實真係有啲另一翻風味。

嘩，所以話姐，我今晚晚餐就係--薑蒽豉油碎辣飯，附上一磚腐乳。