十二月二十四日，下午同弟兄一起打完籃球後，晚上就上班啦！St. Paul 醫院對面的教堂有人唱聖誕歌，我都係鐘意永遠的投入(詩歌)。最近D姑娘好似食咗火藥呀！火山爆發一樣，主呀！我的情緒好低落， 就算係摩西都有脾氣啦！我只係普通人咋。晚上吃了Vi姑娘整ge沙律，幾好食ga！她還怕我唔夠飽，送了一個迷你蛋糕給我。十二月二十五日，下班後，立刻回家刷牙、睡覺，雖然降生節要返工， 但我期待已久的擘餅聚會終於黎啦！我睡到約十點起床，到達聚會地方，見到好耐無見的弟兄們。好開心呀！最開心的是有主好大的同在，主的愛喚醒我心，使我勇敢地開聲敬拜、讚美阿爸同主。 真係一個溫情的家，難怪阿爸同主都唔捨得離開。真係值得感恩，值得感恩，多謝主完成咁榮耀的救恩。人生在世，雖然要面對痛苦和受傷的事情，但主再次激勵我、鼓舞我。
