星期六返完通宵，早上下班回家後刷牙，跟住陪阿媽到市場買菜，哇！好耐無去啦！買了豬肉、茄子、魚，哇！睇個老板娘怎樣(湯)魚，
手勢凌利，好純熟，看到目不暇給。仲有買了唐生菜、冬瓜同蘿蔔糕。陪阿媽一齊回家，蒸蘿蔔糕食，食完就坐了一會兒，
跟住玩了三國無雙一陣。跟住小睡了一陣，睡到下午二點半才起床吃飯，跟住剃鬚洗臉，約四點鐘到聚會地方擘餅。擘餅聚會也好享受！
享受主為我完全的委身，跟住同弟兄一齊到籃球場，我無打籃球，我只是旁邊觀看，因為個十字韌帶好痛，所以無打。
有一場打得好剌激，康少、洋洋同祖雄一隊，偉強、榮同Ryan一隊，兩隊打到平手，我看到目不轉睛。接著，大細孖黎到，
他們告訴洋洋同康少聽，夠鐘食飯。原來佢地約了佰豪同嘉平在鑽石山荷里活食Pizza，我跟住佢地一齊去，都好耐無見嘉平同佰豪啦，
順便搞氣氛。同嘉平、佰豪傾計，哦！原來一月六號係大細孖生日。順便傾自己的近況，嘉平的女兒好健康地成長，已經四歲了，仲話好活潑好動。
我在必勝客食了意粉同飲了少許湯。我地食完周圍行，我順便交了電話費，我地去了運動店鋪、衫褲鋪到睇鞋同衫褲。睇完回家，
星期日仲有大團聚等緊我，所以早點回家。多謝主同弟兄同我一齊。

十二月二十六日，這天係主再向我顯現的日子，真係真正的喜樂。Day camp那日完後，這天我計劃去海灘親近主，其實我都想同弟兄們在camp經歷主、相交感恩事項。
但我超想去海灘，所以我去Day camp就是這個原因。如果有機會的話，我建議弟兄們可以在冬天到海灘親近主，幾好ga。這日終於可以自己弄早餐食，因為爸媽回鄉了，
其實我也想回鄉探望奶奶，都好耐無返啦！只可惜我不能分身到地上的家鄉，不過我相信主喜悅我回到返佢ge面前，而且祂必定祝福我的家人，所以我更要回到主面前不住禱告，
為自己同家人禱告。我搭106到達筲箕灣附近，然後在地鐵站的巴士站搭新巴到石澳。哇！個司機好像想飛奔到石澳呢！開得比較快D。約十一點三十五分到達石澳海灘，
哇！好美的海灘呀！雖然海並不清澈，但這是主為我所造，係比我欣賞ga，哇！來到這裡，我沉重的心情放下了，變得輕鬆和快樂，我第一時間就想起主好柔情地問彼得的三問：
你愛我麼？(約二十一)使我想起這句說話每個都想聽到。首先我想起一首詩歌(加利利海邊的溫情)我在提比哩亞海邊，復活之主向我顯現，祂在岸上預備Barbecue，有魚、有餅，
更有主柔情。雖然我身不在提比哩海灘，感謝主在石澳海邊向我心顯現，我心好自然有喜樂從裡面發出來，真係感恩，哈！我自己微笑想如果主在我眼前顯現，豈不是嚇親其他人。
我現在微笑沒有嚇親佢地吧，再望有些外國人在玩風箏、砌沙、打板球、當然唔止外國人，也有本地人，大多數人燒烤，感謝主，海灘附近個燒烤場好少人，係士多鋪，即係洗手間隔離就多，
我在海灘上同主慢步，海邊的海浪聲真係好聽，跟住唱我所得的實在太美好，我抬頭望天向阿爸同主微笑，唔夠膽舉手，因為有人。跟住唱彩虹般的情愛，主血的情再次震撼我心，再加上海浪拍打聲，
心被感動，好想流淚，眼睛有少許濕。難怪詩篇的詩人寫海都要拍手恭喜神所成就，感謝主血的情。跟住唱滴血的心的秘密，係唔係好疑惑點解好似無唱到阿爸的歌，其實我在巴士到唱熱情父愛、天天放煙花、
在我項上祂陶醉。這次假期可以重新得力，真係感恩。在海灘上慢步了好耐，跟住開始多人，有兩個男仔在海岸邊練滑浪，雖然有時失敗，但卻不能攔阻他們渴望玩滑浪，我想我禱告也要這樣子，
我希望主不但在海灘向我顯現，我想在其他地方都經歷佢(除了熱鬧嘈吵的地方)又一次海灘經歷，說起來我也是在海灘受浸呢！唔知幾時能夠再在海灘親近主呢！

大家降生節快樂！十二月二十五日，擘餅聚會完後，同弟兄們一齊到華香園食飯，我仲記得同容鉅、達明、大孖、康少、阿蕭(大衛家)、還有富林。飯前當然先謝一謝啦(禱告)！我地一齊傾得好開心！
平時係阿蕭食得最慢，今次有容鉅在，所以他們平起平坐，康少叫ge野食最遲黎，原來係侍應生跟漏單。而我就沒有order野食，因為我超想食三文治加果汁。所以食完就同蕭蕭去買na！
個果汁好特別(奇異果加菠蘿)，買完仲見到阿大tim，我同蕭蕭一齊行去東啟德個洗手間先，然後到達采頤花園隔離的小巴站(去西貢碼頭)，我到達小巴站見到建斌，原來他也是和我一樣黎Day Camp。
呀！唔記同大家講，我們大衛家、撒母耳家、還有所羅巴伯和成人家一齊Camp，我們一家總動員一齊Camp，真係開心呀！在小巴又黎有傾有講，到達營舍，我和弟兄姐妹一齊玩UNO。好多人玩，好刺激！
跟住分組去唔同的營舍，我將背囊放下後，同梓龍、偉強、蕭蕭、建斌，一齊行，偉強去打波，我就同蕭蕭、建斌、梓龍一齊，我地玩繩網陣，我自己幫他們影相，見到有關幾好，我就有衝勁去玩，
玩咗好耐，然後一齊打波，我同蕭蕭、梓龍、建斌、仲有阿Sir，好耐無同阿Sir打波啦！真係太好啦！阿Sir仲攔截了很多球。到了晚飯時間，我們坐在一起，我同建斌傾計，我見到桌上的青瓜好像沒有人食，
我見到這樣就義不容辭吃了那些青瓜。不要浪費食物ma。跟住就返去營舍，建斌見到七點鐘就去咗玩射箭，我就在營舍睇弟兄玩大富翁Card game，他們玩得幾投入ga，蕭蕭由唔識變成強國，全靠一個好軍師指引他。
七點半就同建斌會合離開營舍！希望下次有機會同佢一齊跑步。

好似好假，但係我真係玩緊ga

我們都係好弟兄

十二月二十四日，下午同弟兄一起打完籃球後，晚上就上班啦！St. Paul 醫院對面的教堂有人唱聖誕歌，我都係鐘意永遠的投入(詩歌)。最近D姑娘好似食咗火藥呀！火山爆發一樣，主呀！我的情緒好低落，
就算係摩西都有脾氣啦！我只係普通人咋。晚上吃了Vi姑娘整ge沙律，幾好食ga！她還怕我唔夠飽，送了一個迷你蛋糕給我。十二月二十五日，下班後，立刻回家刷牙、睡覺，雖然降生節要返工，
但我期待已久的擘餅聚會終於黎啦！我睡到約十點起床，到達聚會地方，見到好耐無見的弟兄們。好開心呀！最開心的是有主好大的同在，主的愛喚醒我心，使我勇敢地開聲敬拜、讚美阿爸同主。
真係一個溫情的家，難怪阿爸同主都唔捨得離開。真係值得感恩，值得感恩，多謝主完成咁榮耀的救恩。人生在世，雖然要面對痛苦和受傷的事情，但主再次激勵我、鼓舞我。
 

今天原來係Ryan的生日，

Ryan生日快樂呀！你要健康快樂成長啊！

祝心靈進步！