你知道嗎？
你是第一個令我感動到唔知點算好的人，
好多謝你，我會好好珍惜你！

今日真係好忙好忙，
做野做到一半，
知道星期五有事開唔到工，
當時已經好想出黎接你，
因為唔知星期六可唔可以見你，
見有小小時間休息，
就打算搵你，
點知你話你唔開心、想喊，
之後我心只有一樣野諗，
就係你。
就後我又要做，
但發生好多意外，
例如畫錯盒、推車時撞向門...
總之就連自己做緊咩都唔知。
之後做到係雪房暈一暈，
但當時都係一心諗住你，
之後起返身做野。
終於等到放工，
就立刻返屋企沖涼換衫，
暈下暈下就出門口，
一心諗住見你成為精神支柱，
帶住一個累透的身體到你公司樓下，
等你放工，
到左六點，
我用sms通知你放工，
但你冇回應，
打電話，
又係冇回應，
當時我好怕，好怕你有事，
當時我只可以不斷禱告，
不停唱詩，
當我從人尋中見到你，
我真係好想跑到你身邊抱起你
但我去到你身邊，
見到你唔開心，
自己又咩都幫你唔到，
當時覺得自己好冇用，
我當時只可在你身邊，
睇住你痛苦，
我真係好想承受你所有傷感。
到左巴士站，
你叫我轉身，
我知道你要喊，
我喊時，我咩都做唔到，
只可以背住你，
我心好難過，
我就不理後果，
一手抱住你，
讓你可以安心咁喊，
你流出每滴淚都滴係我心上，
我好心痛，
最後連我也開始流淚，
當你喊夠時，
你攬住我時，
我好開心，
真係唔知點解我會好開心！
之後就係車上講左好多野。
去到元朗就同你買菜，
真係好開心呀！
去到你屋企好彩我見到你屋企開左燈，
如果唔係就提早見家長啦！
咁已後約你就唔係佳人有約，
係家人有約啦！
今日只係食三文冶做晚餐！

你係第一個令我真真正正感動的女朋友

//////////////////////////////////////////////////////////////////////////////////////////////////////////////////////////////////////////

如果我係天使，
我願意折斷雙翼，
不飛上天，
留在你左右！

如果我係惡魔，
我願意不做壞事，
安分守己，
令你快樂！

可惜我只係凡人，
只能用盡全力愛你，
令你得到幸福！