我知道自己唔係咁偉大~

一直以為自己只要見到你開心就得~

但係依家做左你身邊的自由人~

可有可無~你需要就出現~唔要就行開~

唔知點解好似多左種寂寞的感覺~

我每次見到你同其他人玩得好開心個陣~

就會諗下點解同你玩得開心~令你笑既人唔係我~

好似好傻咁~

以前我見到你唔開心~

我唔洗諗會立即出現係你附近~

問你做咩唔開心~關心下你~

但係依家~唔可能咁啦`

因為你身邊好多人會關心你~

我出唔出現好似一樣~唔再重要~

每一次你同我講野`傾計`

我都會好開心~

但係依家好似唔再係咁~

你無咩再揾我傾計啦~

可能係你身邊有更好的傾訴對象~

但係我每次見到你都好多野想同你講~

但係見到你好似唔耐煩~

聽到你冷淡的回應~

我就知道了`

依家我只係想可以同你做到好朋友~

我希望我地做朋友可以一直做落去~

 就算唔可能一直落去~但至少都做到今年完呀~

我都明白自己身份唔同左啦~

但都想關心你~

今次係一星期內考曬通識同埋生物~

溫書溫到想死`好彩考完啦已經~

仲有好想多謝你`你係我悶既時候~

\都肯陪我SMS~陪我傾計~

好似依家咁做番朋友~我好心足啦~

我唔會再強求其他野啦~

依年真係快完啦~

我希望你地下年仲會記得我啦`

我唔想無左你地依班朋友呀`

我已經明白啦~

今日可以話係我咁耐以黎一次好大的打擊~

你仲記唔記得我地之間的承諾~

我一直以為自己只要做到我答應你的事~

我們的關係就不會變~但是原來我錯了~

就算我點做好自己~你要離開我一樣停止唔到~

我依家個腦出現左好多同你一起開心的片段~

係前幾日我見到你理番我~我開心到呀~

我仲以為我地可以好似之前咁~

估唔到今日我問左依個問題後~

心情好似係天堂跌落地獄咁~

原來一切只係先甜後苦~

因為我知道我現在做咩都唔會補救到依段關係~

我........我會記得你今日同我講過的事~我會答應你~

我依家好希望一切只係夢境~比我醒啦~唔想再咁啦~

大家~今日已經係我地離開中三前的111日啦~

之前成日覺得今年中三好長~一定唔會咁快過完~

但係唔經唔覺已經過左中三的大部分的時間啦~

同你地相處的時間少左~

我地所有人下年唔一定可以再係埋同一班啦~

我地不如係剩下的日子入面不好再嗌交~

留低一D美好的回憶比自己~

我希望大家可以好似聖誕歌唱比賽時咁團結~