剛剛睇YANki的BLOG，就玩下啦

01. [ ] 玩米缸, 將手插入米缸裡面o既米裡面.

02. [ ] 在百貨公司入面「篤」扶手電梯的吊牌 *

03. [ ] 地下有階磚特登隔一格一格黎行 (不可踩界, 要完全在格內)

04. [ ] 用錶面反射陽光, 照黎照去

05. [ ] 跳樓梯 (愈多級愈勁)

06. [X] 行路上高起左地方, (例如高起左o既長條型石博, 好似玩平衡木咁行法)

07. [ ] 鋪張紙在硬幣上面, 然後用鉛筆係上面油, 油返個形出黎

08. [ ] 食完瑞士糖之後, 將糖紙包番個原本四四方方果個形 *

09. [ ] 超級市場踩住架購物車黎行

10. [ ] 踩水tum, 係好特登果隻

11. [ ] 吹口水波

12. [ ] 搣牆上的乳膠漆或牆紙

13. [ ] 係平滑o既地面上面跣下跣下. *

14. [X ] 整濕d紙巾,掟上學校廁所天花頂.

15. [ ] 食完綠箭香口膠, 一定摺返成張包裝紙再放返入個大套入面.

16. [X ] 響課室玩過俄羅斯輪盤, 將玩粉刷霑滿粉筆粉放係風扇上面等個風扇轉轉下轉得怏個時 飛出黎睇下個粉刷中邊個

17. [ X] 拿阿媽d 線圈放膠袋 (當風爭甘放)

18. [ X] 拿AA膠痴o的手指....再等佢乾....用口咬返o的膠出o黎...一塊塊的....

19. [X] 用塗改液....係咁o即起一個位...等佢變一個半圓波波...乾左面果層.... 再用手o禁爆佢.....再去廁所洗手..........

20. [X] 係咁切擦子膠, 切完一條條,儲埋去....整一條大既.....

21. [X] 在擦膠上劃公仔~~~做印仔~~~

22. [ ] 細個無意義動作: 用鉛芯筆/鉛筆篤擦膠,整到好多一粒粒鉛筆痕,唔知為乜

23. [ X] 用塗改液o係課本既封面寫自己個大名

24. [ ] 震音與風：簡直爆大冷！原來好多人都試過對住風扇講，把聲好似「聲音經過處理」咁，重可以校唔同Level，震音程度，有埋秀髮飄揚效果，真係開拍MV咁，若個風扇曉「轉」，重可以扮FadeOut！

25. [ ] 飛拖鞋：拜足球小將所賜，飛拖鞋鬥遠是為屋村細路必玩項目。先燕式平衡再發力踢，沉醉「猛虎射球」世界。

26. [ ] 電梯倒行：超級危險遊戲，一下失手隨時浴血電梯上頭條。

27. [ ] 踩影：唔知邊度聽到人話俾人踩中個影會黑仔衰三日。12點烈日當空最好玩。

28. [X] 踩人白飯魚：白飯魚，係踩，你髹得愈白洗得愈乾淨就愈易成為眾人目標！

29. [ X]背脊貼龜：貼時記得要用張長膠紙，輕輕High過目標背脊。大力拍只會打草驚蛇。

30. [ X] 撩鼻屎黐落牆：好唔想畀佢上榜，實在太核突喇。奈何大部份受訪者都陰笑自己有玩過。哎，家陣傳染病猖狂呀!= ="

31. [ ] 壁虎功：屋企走廊或房門練習，落番手騰腳震。

32. [ ] 捐地鐵出入閘機：明知過三歲，仍然不買票，好多人都做過，但睇怕都係「被迫」。

33. [X] 玩水喉：洗手時突然禁住個出水口 "ji "水射人。

34. [X] 彈擦膠：用間尺扮搖搖板，彈起擦膠。

35. [X] 射橡筋：幾條橡筋一齊射，睇落好似好勁，實質瞄唔準。

36. [ ] 夕陽石壆：樓梯邊石壆玩溜滑梯。但家斜石壆難搵，雷同跣鐵欄都係沒落遊戲。

37. [X] 白鴿轉：捉地鐵扶手轉呀轉。

38. [ ] 龜兔賽：地鐵月台鬥快跑。

39. [ ] 白撞：亂才禁人門鐘後速逃。

40. [ ?] 圍閹：嘩！小心絕後。

41. [ x] 搶爛巿：將汽水罐放係車轆前，等人開車時車扁佢。唔通想同執罐阿婆搶食？

42. [X] 精神分裂：屋企一人分飾幾角玩煮飯仔。

43. [ X] 射水槍：用水槍射街上途人。

44. [ X] 放飛機：將紙碎或紙飛機撒落街。

45. [ ] 過手癮：將Bubble紙氣泡逐粒鍊爆。 *

46. [ ] 玩筆盒：同隔籬位鬥快開晒筆盒既機關。

47. [ ] 爆「樽」：特登將飲完的紙包飲品吹脹然後放在地上，大力地踩爆佢。

48. [唔知算唔算 ] 煲蠟：禁喇！差人拉呀！

49. [ ] 沖廁：屙尿時出力射走屎。

50: [ ] 很高興認識你：同對方握手時(特別係男仔)， 會暗中出盡全力，想令對方覺得自己大力。

28/50X100%=56%
 

好似都幾天真

呢2個星期屋企發生好多事

我爺爺係返鄉下的途中因高血壓暈到

係醫院住左個幾禮拜

所以我都唔係唔得閒寫blog

e家爺爺好返，終於有返心情玩下啦

琴日同姑姐&二嬸一齊去左尖沙咀行街

自從媽咪去加拿大到e家我都無得去咁遠玩

有好多平衫買

但係品質好差

所以姑姐帶我地去荔枝角的批發廣場買衫

真係好平兼好大呀

佢一條'行'為一條街

我望落去，有成幾十條咁，果然好大

我地行左3個鐘

都係行得6條街

你話多唔多野見啦

果度d野真好抵到加一百

我買左2件外套都係$100！

聽人講，新翠d店都係哥度入貨

抵時我點都會去哥度買衫衫

大家都去下啦

係荔枝角地鐵站C出口，出到去轉身就會見到！

今日係派數學Test的大日子

派的時候真係好擔心，好驚會無4字頭(50分是full mark)

我由F.1到e家都未試過低過4字頭

好驚今次會好低分

跟住就出去拎卷啦

我第一眼望到

第一反應係o左，心諗：「係咪加錯分？

47分？我唔係無左8分嗎?(refers to the perivous dairy)」

我即刻打開卷，原來老師好好人咁俾

step mark我！只係minus我2分！

今次真係太感謝上天啦！

我係全班第一

仲有第二樣o爆咀的事，就係我中作（議論文），

竟然拎到有史以黎最高分的一次！我有70分呀！

又有全班第一啦！天父，感謝你！

今日突然想換下髮型

就叫爸爸帶我去剪頭

我今次都剪左成3-4吋

加埋新年哥時

都已經剪左成7-8吋

由哥時長及腰的到e家的shoulder

我都有6,7年無試過咁短

ps.細個被嬤嬤剪冬菇頭，所以唔敢再剪頭

e家好爽

頭髮都無x啦

剪頭哥時諗返起2年前俾人捉左去剪頭

由於唔願意

係咁'掘'住人

搞到人地連剪刀都掉埋

哈哈，諗返到好笑=]

呢個禮拜真係好辛苦

日日唔係test,就quiz，又或者dict.

星期一就I.S. quiz

星期二就I.H.quiz + 中默

星期三就中test

今日就Maths test

聽日就Eng.dict

日日都係度溫書，真係好難頂

最慘就係今日

個Maths Test

我本來係好有信心拿滿分

但係

有一題，我明明係答對

但係覺得唔合比例

跟往亂咁改

成8分，我咁就無了

我點解唔信自已

個天點解要咁玩我

連我最強的Maths都死埋

我今次仲點拎全班第一，點入返40名

我將來點入大學！

好想做一個壞小孩

唔駛溫書，日日去玩

考試又無壓力

好想有多啦A夢呀！！！

前幾日

屋企終於裝機頂盒

我終於有J2台睇啦

所以最近每天放學

都飛返屋

睇「換換愛」

呵呵！好好睇呀

10 卜 u

最近鍾意一首歌

係之前聖誕的show聽到

聽佢介紹

叫做Can you feel the love tonight

最近先記得去search

大家得閒地去聽下首歌啦

My favourite 香瓜子

呵呵

今日係家長日，

其實都知哂d成績

都知考成點嫁啦

所以咁耐到無驚過

(咁點解話有驚呢？)

今日係地鐵站返學的途中

我跌左個銀包

我到出閘先發現唔見

擔心死我啦

我裡面有好多錢

仲係咁俾爸爸罵無腦

搞到成日都沒精打采

係學校同同學訴苦的時侯

突然有電話

係校務處打黎問我係咪唔見左銀包

原來有個好好好好好人撿了

蘇先生，你真係好好人呀！好感謝你呀！

叫我去返領取

之後ling成績表

全班就第一

全級就.......唔好提啦

總之今年我會好努力讀書啦！

我回鄉7天

終於回來了

在這7天，我過得很愉快

每天有靚仔堂哥載我遊車河

又有美味可口的美食

還知道堂姐有一個靚仔男朋友

在昨晚巧合的情況下

我竟聽到有個驚人的消息（其實都唔驚人的）

就是我,弟弟,堂姐男朋友

居然是在1月7日，同一天生日的

哈哈

將來也許會有機會一起興祝生日呢

現在我只知道6個跟我同一日生日的人

2個同學

2個朋友父母

1個堂姐男朋友

1個壞弟弟(*我們是相差365天的*)

Total=6位

真是有緣呀！

希望會再找到更多有緣的人吧！

不過這麼快就要回去

真是不捨得

希望暑假能回去吧！

（我鄉下是在惠東港口

唔知會唔會有其他香港人都同一個家鄉呢？）