今日去飲茶

之後去太古城睇Harry Potter

本來可以十二點半睇

點知爸爸又話得番頭兩行

睇到條頸好痛

睇夜d哥d

係兩點半睇國家體操表演

幾好睇，男子體操比較精彩

3點先食lunch

最後係康怡戲院睇Harry Potter

都幾好睇

我幾鐘意妙麗

不過都始終有d睇唔明

石內卜殺死鄧不利多

咁佢咪係壞人？

係打呢篇野的時候

爺爺係咁罵我成日玩電腦

我今日用2個鐘都無

都叫成日

講完呢句，佢反而罵得仲厲害

咁我以後係咪對佢講既野--聰而不聽？

其實年紀越大，係咪會越麻煩？

呢幾日學緊倉頡,

不過e家係打緊速成,

希望會快d學識la

呢幾日又好乖o甘每日練琴1小時

係咪好乖呢

一定要過一個充實的暑假

因為打得好慢,so打小d

放假左0甘耐

睇完《射雕英雄傳》&《命中注定我愛你》

同做功課，用2日就做完英文，速度都算快

數學好耐之前就做好

淨番中文，真係好唔想做呀T.T

好悶呀！

有咩做好呢？

炎炎夏日，有咩地方去呢？

希望嘉靜快d黎香港玩，我想好了很多地方去

今日番埋最後一日學~派成績表                                       ↖↙

不過又無咩緊張

都知道大概係咩成績嫁啦

本來係09:30放

點知變到09:30先派成績表

平均分73.33

全班第二，全級20/30

有一種莫名其妙的失落感

本來入番40名

理應係好開心

但係全班得第二

輸了給她

就怎都笑不出

全級排名進了,全班排名退了

我該笑或哭？

上學期我比她好1分

現在她又超越我0.34分

很失敗T.T

係樓下買了三盒啫喱粉

用細個買的雪榚杯做啫喱杯

夜晚就有得食啦

琴日訓訓下覺

突然心口好痛

呼吸好困難

我仲以為會死

好恐怖

之前都試過好多次

會唔會係心臟病？唔係年紀大先有咩？

但係我係屋企度量血壓，唔係過高，反而係過低

咁都係心臟病？

希望遲d會好番啦！

終於等到7月1日啦！

今日除左係香港的生日

都係Super Junior 的天使隊長-李特的生日

恭喜哂！又大一歲啦！

今日又係M2M的Marit Larsen的生日！

我前幾日睇佢地的資料

先知原來佢地係同年同月同日生日的！

你地好有緣呀！

兩個組合我都好鍾意！

雖然M2M已經解散

但佢地D歌我永遠都會鍾意

Super Junior都加油呀！

呢兩日幫屋企大掃除

電腦台好多塵= =

e家d書都放得井井有條

電腦台大左好多xd

空氣都清新d

唔知幾多日之後又回復原狀呢 (haha)

用左兩日睇幾年前既四葉草2

一睇完，電視就話係7月4日重播= =

以前的日劇花樣少年少女都係咁= =

點解會咁巧合？

e家放假放到7月9日，咁得閒，做咩好呢？

琴日同 同學去太古影貼紙相

又要買禮物俾同學做生日禮物

成日用左$50

成世人都無試過自已用咁多錢

真係好心痛T.T

我攞左眼鏡啦

好似唔太適合我

(我影左張相

要睇就去相簿睇啦！)

琴日係豐擇買左個電鬍X俾爸爸

咁多年都係第一次送俾爸爸

今日係新翠配眼鏡

近視又深左

e家 左眼300°,右眼250°

我選了個紫紅色粗框的眼鏡

星期三就有得攞

遲d影低俾你地睇啦

呢個周末過得都幾充實

我玩左一個叫Bloxorz - 邏輯方塊的game

裡面有33關，都幾食腦

我本來去到第九關都想放棄

哈！但我最後竟然會破哂！

自已都嚇一跳

據說呢個遊戲全世間只有4個人通關

唔知我係咪成為第五個人呢？

http://www.hk10.com/games/505/bloxorz-.html 

如果大家得閒

要記住玩下

呢個遊戲真係好適合做暑假玩嫁

反正e家豬流感無得成日出街

又可以解悶，又鍛煉腦力

真係一舉兩得

大家一定要去玩下呀！