test中，好忙呀！

今日好忙

有數學test

Chem Quiz

中作

篇作文要即堂交，搞到無得覆一次

e家都唔知寫過d咩

數學test係lunchtime之後

成個lunchtime都係到溫書

無得睇學校的傳火炬

e家唔知點解好似對數學失去熱誠

有題4分竟然錯左

d mc又唔知錯幾多

今次可能係最差哥次

個Chem都係係reset先溫

都好簡單

應該會滿分

今日水運會~係維多利亞游泳池

一個字~悶

成日飲左好多水

去toilet都去左6次

唔知人地會唔會誤會我係哥個有陋習的人呢

去買野飲既時見到有唔知邊間中學的男仔

d同學話讀女學咁耐

見到男仔會好唔慣

不過我都有同感

12:15放

週圍搵野食

搵左半個鐘

終於有得食啦

我叫左碗牛腩魚蛋河$16

之後搭電車去筲箕灣

搭左半個鐘，好累

係天悅行好耐黎買生日禮物俾朋友

之後係tea plus買珍珠奶茶（我本來打算買黑天使，點知賣哂）

琴日係筲官考樂理

我提早半個鐘到

可以係哥度參觀下呀嘛

間學校都幾靚，仲好大tim

言歸正傳

我地係考B卷

total有7題大題目

有三小題的義大利文要答

不過我一直打算唔溫哥part

只係等入禮堂前用三分鐘‘立’過呢幾百個生字

咁都俾我誤打誤撞答對一題4分的

唔通連個天都幫我！哈

呢個考試

我只係用得一天黎溫

唔知合唔合格呢？

我答完之後覆左好多次卷

見到好多人都走哂

加上個冷氣好冷

所以就提早20分鐘走

去一趟washroom

塊地好多水，我差d就跌倒

點解出面就咁靚，裡面就...

呢d係咪叫做金玉其外，敗絮其中？

去左筲箕灣行下，本來打算去買《宮》的碟

點知都下個星期至有 T.T

見到有珍珠奶茶，忍唔住買左杯飲

再去天悅食小丸子

消費$15

哇！好耐無寫過啦！

有好多野都無寫

爺爺入院做手術

中秋節同少欣去柴灣公園玩

係學校整左蛋糕仔（唔記得影相tim）

我e家係煲緊《宮》

我覺得幾好睇

兩位男主角都好靚仔

女主角著d衫好靚呀

呢部劇真係好好睇！

返左學幾日

終於適應左英文老師的口音

放假的時候

好想再去多次長洲玩呀！

上次都只係遊左半個長洲咋

返學好悶

唔想起身

所有老師d發音都好有問題

聽都聽唔明

要好多時間先適應到

琴日飲完茶之後

搭780去中環碼頭

再搭船去長洲

點知遲左幾分鐘

要搭下一班船，仲要係豪華船(貴一倍，好唔值)

平宜哥d要一個鐘一班

唯有搭貴d啦

裡面有d似去澳門的噴射船

兩點半去到長洲

係一間叫張記的店到食碗魚片河

周圍行下

見到有得賣草帽

買左一頂$25

見到有單車租

我租了這部車

我做司機載爸爸

踏得好輕鬆

但好熱

弟租了一部單車

我地兜左一圈

d風景都ok啦

返到還單車

我同弟的臉都紅哂

我本來帶左太陽油

都唔得閒

去遊水

我地要輪留去游

爸爸同弟去游水先

我就看管d野

搽太陽油

終於輪到我游啦

不過我唔太敢去太深

游左一靜間就上水

洗澡換衫後就周圍行下

弟話肚餓，佢買雞蛋仔

我見到有刨冰，未食過咪試下lor

我要左個草莓味

原來係整碎d冰之後倒d草莓汁落去

好好味

食左一半的刨冰

6點半搭船去

8點鐘返到家

呢幾日大大話話買左20枝雀x冰冰吃

e家仲有十幾枝未吃

哈！我唔知係咪傻左呢！

不過係夏天吃冰棒真的很涼快

仲有一枝係中獎番黎的

今日係facebook度同Miss Ng(小學老師)傾計

佢話Mr Wong會返黎教書一年

我好耐無見過佢啦

佢就係我小學生崖中最喜愛的老師

佢係唯一一個老師會送我生日禮物的

我係九月份一定要去探下咁多位老師先得

睇到呢篇野的小學同學，不如大家約埋一齊去探下老師