我又等左3日了~
先有呢個時間去寫blog=-="
今次可能又好長呢!慢慢睇...
講返星期3...其實都唔係太記得了!
一攰就好多都forget晒-0-"
星期3果日返學都無得特別既..
到食lunch..食得超飽..因為未試過食好多野...
  
超多餸..20蚊都唔洗食到我可以訓低...
放學返到屋企..緊係又訓啦-0-"
訓到9點鐘就食飯了!
其實講真啦~我同屋企人見面得極少-0-"
仲有巳經成個月無一齊食晚飯了><"
食完飯..係到做左陣功課~到左10點半又出街..
我而家真係變左隻夜鬼了=-="
咁夜去左邊..去左上水..同d舊同學一齊食糖水!
順便吹埋水~點知吹一吹都12點半啦!
跟住..仲未返屋企 kaka~
約埋第三人出黎!兄弟詳談@o@"
傾傾下都2點鐘~就再唔夠皮...call埋死神一齊...
食宵夜..食到成4點半先返到屋企訓..
第二朝7點就彈左起身..朝早影左d相..~
 
(我隻狗同埋第三人合照..)
到返學啦~點知miss 遲到左..
唉!點解老師遲到就無事~學生遲到當缺席?..
一句對唔住就可以ko到既咩!我覺得咁樣勁唔fair..
我就同miss 講..下次遲到補返時間比我地\./"
上完呢堂就放lunch...又係3個鐘食飯-0-"
我又去左我fd到玩啦...仲睇左套戲..
果套戲我睇完就講左3個字...(咁都得?)
食完詖就上堂直落..返到屋企就返工啦~
返工就勁啦~成4點先放工..
只好返到去~乜都唔理..沖個涼就訓了..
訓到今朝7點~又要返學><"
今日上堂比心機左丫^^"上完堂去左剪左個頭!
剎那間覺得個頭輕晒-0-"好舒服咁!
但好唔好睇又另一回事...."
剪完就返屋企..比自己休息下啦~
因為訓得太少啦~訓到7點鐘...又再返工!
都係剛剛先返到屋企..呢兩日..
訓都訓唔夠10個鐘~我都唔知自己點捱得到呢..><"
呢幾日...又返工又返學..感覺上生活得好死板..好悶呢...
但無計..等我儲夠錢就唔再返工住..
玩飽去呢^^"剪完頭果時  影左張相呢~好睇與否..各有各眼啦! |