wo!..終於有時間打blog啦!

琴日星期4..前一晚返完拳之後..好好訓..

一覺就訓天光~跟住就坐車返學了~

平時都係得我一個人..而家就正了^^"多左個!

唔洗坐車時咁悶..,坐車時都訓唔著呢!只好傾計解悶..

返到學校~就上人際堂!上完之後就上數學了!

聽人講數學係毅進is very difficult呢!

但上第一堂-0-"教d好easy既野...而家d功課一早做晒~哈!

希望丫蛇遲d會教d比較難d啦!唔洗咁悶...

上完數學堂就食飯了...今次食飯時間有成3個鐘-0-"

心諗..點過丫....人地話呢d叫天地堂!我都唔知係咩黎...

@@哈!好彩我有朋友住元朗..

就去左去屋企到!順便訓下...因為精神唔太夠呢><"

到左上體適能...丫蛇搵要人試做掌上壓..而我比丫蛇叫左出去做女仔既做法!..

原來女仔既係好難做-0-"都唔知點解咁?...

去到5點2時..我以為落堂..點會6點先落@@"

咁就死得了..一個鐘返到屋企再返工!

真係超級趕頭趕命...但最後都剛剛好趕得切返工!

但琴晚好夜收工呢!..成2點半..返到屋企都4點先訓到,,,

今朝差d死火...好彩有人打比我-0-"唔係實遲到!

連鬧鐘都整唔醒我..想而知道我有幾攰...

返到學校上堂超級悶..不過都要頂住去--"

但係第二堂我頂唔順了...訓左1陣=="睇黎遲d要追返丫蛇教既野呢><"

上到1點就放學返屋企了!

返到屋企又訓多次-0-"7點鐘就返工!

返工好多野做!因為鋪就黎裝修!所以要收好d野好..

搞到今晚都成2點半收工..返到黎..打埋呢個blog!...

因為好攰..兩日訓得唔夠6個鐘><"真難頂!

SAMUEL~HAPPY BIRTHDAY^^"

今日又多位朋友生日~10月真係多人生日呢..."

今日返學~第一次上普通話堂!

自以為普通話尚可既我,,今日老師教一教返我地d最普通既野..

我都唔係太識..同埋而家先發現有時自己係講錯呢!

真係有d慚愧...上堂時~係咁跟丫蛇讀d字...

讀完之後..成把口抽抽地...真係勁呢-0-"

但都好..如果真係要讀好普通話!真係要係咁練><"

練完之後..我諗廣東話既發音都會有進步呢^^"

跟住就上英文堂..學左好多基本野..

我要打好個底..而家對英文真係愈來愈有興趣^^"

真係正..無諗過返完公園就好想學英文..呢個暑假真係改變左我好多!

今日...原來3點放學><"仲以為5點幾=-="

跟住4點幾就返到屋企了~然後有人打比我@o@"

哈~我份禮物終於送到出去..唔係既話都唔知點好..

太遲送又好似無左果種意義呢!但唔記得佢對公仔有敏感添=-="

真失策~希望佢唔會介意呢^^"

送完野比人...就要即返到屋企=-="(好趕頭趕命)

汁好野就返拳去了~我諗之後都會keep住返..

因為之前返下又唔返...搞到好唔知點咁..比人感覺都唔好啦~

返到去時..比d師兄話我勁左@o@"真係開心><"

我相信..只要努力...就會得到人地既認同&讚美!

所以我都要繼續努力~比心機..係武術同學術都要有進步呢^^"

哈~琴晚放完工後..

因為老豆返左大陸..細佬又返左...

丫妹同媽咪一齊訓..所以成間房係我呢..

係到玩電腦玩到5點幾先訓...

係到打左陣機呢..好耐都無玩過瑪奇-0-"

玩完就睇左-我老婆係賭聖!

睇完之後..我覺得個男主角(梁家輝)好幸福><"

有個咁好既老婆..人又令..

心地又好到爆燈@o@"實係男人的理想對象呢><"

總括黎講..套戲又好笑..又令到我想喊-0-"

百分百好戲...(個人認為)

睇完就訓lu~..到左2點幾先起身!

因為今次我無去拜山..所以唔洗咁早起身@o@"

訓緊時..大強諗住搵我一齊玩~

哈!真係恭喜佢..等左咁耐終於比佢等到,,

不過玩唔到啦..咁遲先搵我..又要返工..

就算玩既時間都唔長><"

成日都係屋企打下機..睇下片咁~挺無聊呢..

到左返工時~黎左d貨..見到呆左@o@"

有兩板米...真係攞命..算了吧-0-"

點都要搬...就當做gym呢^^"

跟住就拿拿聲..搞到晒d野..12點放工了!

返到屋企食埋野..打埋呢篇野就訓左><"