係le 幾日我好似對班細路好惡咁!

我亦都訓話左好幾次....唔知佢地又明唔明呢?

我真係好想好想佢地有所改變.....唔好失去drama 精神!

學Winnie 話由我上任開始...drama club 已經建立左一個大方向!

目標唔係獎項...而係我要既有演技&人品於一身既演員~

4月1日愚人節.....我Club收到消息...贏左5個獎!我好開心....

5個獎入面包含左血,汗,淚,錢......亦起碼証明左冇白費我既心機!

不過,返轉頭再諗諗....有3個獎並未肯定到我地既成功!

因為除左最佳男,女主角之外...其他既最佳導演,舞台效果,合作

le 三個獎有七成因素係Big John 而來.....所以我未覺得太歡喜!

年年我都咁同大家講....Winnie我都冇例外.....

就係佢拎左導演既一刻....我走過來同我講佢掂左...仲沾沾自喜!

但我就同佢講...評判有7成係比面Big John先有獎拎....

你個獎只有3成係反映你自己既實力!唔通你咁就滿足....

根本我地最終教好每一個人既目標未達到...邊度叫成功呀!

咁佢就答我...大佬你比我開心兩日,之後我會再証明比你睇我得!

冇錯...拎5個獎聽落係好開心...亦都係用來鼓勵我地既禮物!

但如果你要話比人聽你地真係有實力既.....果幾個獎唔係d咩來!

因為d獎唔係我地獨有嫁.....出面大把學校都拎5~6個獎!

其實評判係每間學校都可以比8個獎....

所以百幾間學校參賽....出面閒閒地都有成千個,導演,男女主角,舞台效果既獎!

只有真真正正.....係以後既日子入面不斷努力先係首要!

如果因為一次拎獎就滿足....咁大家好快就會比人係舞台度拋番落來!

Winnie 做到既係勝不驕,敗不餒~佢知道一山還有一山高既道理~

Drama 係一個永遠都學唔完既科目來嫁!

le 個只係你地岩岩既開始....以後你地既表現就係証明你地應唔應該拎獎!

唔好丟你地拎番來d獎既架...要做到任何時候你地都係"最佳......"果個人!

無錯...獎未必係勁開心既事...可能仲會係一種壓力!

不過....我希望壓力會令你地變做動力...不斷去要求自己有更高層次!

仲有就係可以用自己經驗教導師弟妹...教埋佢地做人!

令我同Winnie 既Drama 理念生生不息....永遠流傳!

咁5個獎先真真正正叫係我地拎....先係最值得開心~

不過...我又唔係唔為你地開心既....所以5月會有個台前幕後大慶功!

當係drama club 慰勞大家....總之我都好多謝大家為drama club 而努力~

無浪費我地三代會長一手一腳帶起drama club 既心血! ^^