今日就一家五口一齊去搵工。今日3點幾在太古城嘅大家樂食lunch，有我､我老公仔欣欣和我女兒+2,差唔多食飽果時，我女婿英就來到，等了一陣，我女兒嘅仔仔穎就跟著到來(欣欣和穎其實已經找到工作了，佢地在'冒險樂園'，不過仲未開始番工)，之後我地就開始去搵有咩店請人，開頭時，我地仲在猶豫不決咁，好唔好去問人地請唔請人，但最終都係冇問到，有時我會覺得我地在shopping多d過係去搵工，因為我地見到一d我地有興趣嘅事物時會埋去睇吓摸吓，而有時我會覺得我地在玩轉圈圈，因為有時我地會跟著英同+2在某些店舖幫佢轉了一個圈。到後來我地第一間去搵嘅工係'冒險樂園'，之後我地就開始逛商場了，第二間搵嘅工係'快圖美'，由於我對這間店冇咩興趣，所以冇跟英和+2佢地入去填表，我､欣欣和穎透過玻璃，見到入而果個員工，望我地嘅眼神有些睥視。我地見嘅第三間店係已經離開了太古中心了，叫'Mos Burger',係一間快餐店，在這裡填嘅表格係最耐嘅，那裡的店員係見過三間店裡最友善嘅一間，我和欣欣都覺得如果選擇的話會比較喜歡這間店。之後我地就番番去太古中心食麥當奴做晚餐，之後我地就各散東西，回家去了。