今日我要早上十一點番工，即是今日只係番半日嘅工，因為今日5點我要去考中文嘅oral，而且考的地方好近，就在自己的樓下啫。今日約三點幾到，我見到曾偉業同埋佢嘅屋企人去我做嘅餐廳食野(佢都係住在這附近)，小二佢都識佢嘅細妹ga，而且佢話她係佢嘅乾妹。曾偉業嘅名同阿業(陳偉業)嘅名差唔多一樣，差個姓啫，開始時，其實我唔知道佢來了，經過佢那張枱時，我都唔知佢在，後來冇咁忙果時，望到一個身型同髮型差唔多嘅人，我先發現到佢。到了4點，我就換衫放工了，番到屋企，開了一陣電腦，之後覺得睏了就伏在電腦枱小睡了一陣，之後5點時，我先落去聖馬可中學去，今次在四樓考，我係一號，差唔多成6點先到我果組。口試果到，我可以在一分鐘內讀完，琴日阿sir在MSN教我話一定要在一分鐘內讀完，所以我就記住了它，不過我都有讀錯左一兩個字，不過今次我面對兩個考試官(女人來的)時，並不太緊張，因為佢地係佰生人，到小組討論時，我就更加唔緊張，比在自己學校考試時，鎮定了好多，講野都有條理好多，個腦唔會再空白了，雖然我仲講得唔係好多野，但比以前只講一兩句好好多了，而在討論時，我對面的6號的男仔就一句話都冇講過，別人在引導佢講，佢都係唔講野，我都唔明，唔講野做咩要來考呢？成個討論剛好在它定的時間裡完成。今日差唔多都落雨，考完試，雨都未落完，之後我就去了華潤買左d野，番到屋企，黑黑的，有點冷清，之後覺得太悶了就上床訓了。到3點幾先起身沖涼､食飯。MSN裡只剩下幾個，而小二就剛好要off line去訓了。

今日就一家五口一齊去搵工。今日3點幾在太古城嘅大家樂食lunch，有我､我老公仔欣欣和我女兒+2,差唔多食飽果時，我女婿英就來到，等了一陣，我女兒嘅仔仔穎就跟著到來(欣欣和穎其實已經找到工作了，佢地在'冒險樂園'，不過仲未開始番工)，之後我地就開始去搵有咩店請人，開頭時，我地仲在猶豫不決咁，好唔好去問人地請唔請人，但最終都係冇問到，有時我會覺得我地在shopping多d過係去搵工，因為我地見到一d我地有興趣嘅事物時會埋去睇吓摸吓，而有時我會覺得我地在玩轉圈圈，因為有時我地會跟著英同+2在某些店舖幫佢轉了一個圈。到後來我地第一間去搵嘅工係'冒險樂園'，之後我地就開始逛商場了，第二間搵嘅工係'快圖美'，由於我對這間店冇咩興趣，所以冇跟英和+2佢地入去填表，我､欣欣和穎透過玻璃，見到入而果個員工，望我地嘅眼神有些睥視。我地見嘅第三間店係已經離開了太古中心了，叫'Mos Burger',係一間快餐店，在這裡填嘅表格係最耐嘅，那裡的店員係見過三間店裡最友善嘅一間，我和欣欣都覺得如果選擇的話會比較喜歡這間店。之後我地就番番去太古中心食麥當奴做晚餐，之後我地就各散東西，回家去了。

今日我去考的地方係香港中國婦女會中學，考嘅科學目係會計科，今次同我一樣去這蚡的人有Kammy､林凱欣和余良(不過佢係臨走時先見到)，這次section B比較容易做，要選的兩題我都做哂，而section A我就只做了一題，因為我用哂d時間去做section B，做哂section B後，都冇咩時間去做section A，而Kammy佢地就有時間去做哂所有題目。考完之後，我和+2就約了在筲箕灣地鐵站等，去銅鑼灣搵工，但我地去到時先知我地唔知去邊到搵工好，好盲無目的。之後我地去了時代廣場搵，找到了些微目了。之後我地去了KFC食lunch，果到超多人。我在那用手提電話玩game，之後+2就愛上了我這個game，唔捨得放手，搞到我無聊透頂，最後搭地鐵番到筲箕灣佢仍唔捨得放手，到我想訓了，佢先逼於無奈先放手比番部手提我，而且你玩到差唔多冇電天。

今日我要去筲箕灣官立中學考中史科，我覺得這次的考試好玩人，枉費我琴晚咁辛苦去溫書，我溫的四個朝代佢只出了兩個，而且我都冇時間去溫乙部，我全部的時間都用哂去溫甲部，而且係背到滾瓜爛熟，點知佢出的題目是誇朝代去考，真係好激氣ar！真係激死人la!咁我又吵了這一科了。好唔抵ar！明明好努力去溫ga la，都係死左，唉！慘ar!

今日考嘅係數學，而且考嘅地方就在寶血的附近－－明愛馬登基金中學。我地要行一條彎的車路先可以到達目的地，而且等嘅地方係一個停車埸，我地在禮堂考，除了麗寶和我唔知佢地叫咩名嘅女仔之外，我仲見到霍俊朗，佢同我地一樣都在這裡考。做時，甲一我比較有信心，但甲二我就放棄了，題題都唔識做，而乙部，我只做了一題，之後果兩條我都係唔識做。考完之後，我地就去巴士站等車，但等了幾架都係上唔到車，擠滿哂人，最後只剩下我､麗寶和霍俊朗在等果架話頻密開出的82，但等得最耐的車是它。在這等的過程中，我地在數有幾多架小巴､8x等來過，我地真係無聊我在那數車。當可以上車了，我地在上層，見到好多同學都在，有曾偉業､肥之､何茵茵､馮凱琪､梁曉笙(我乾哥)､蘇鴻榮。

今日我又係去寶血考試，今次考英文聆聽，人數都係冇變，都係果幾個人。Task1都幾容易做，但到了Task2我就死了，聽唔明佢講嘅位置，我只係寫低佢講果d point在邊邊，但實際上我都冇寫到落個圖裡，即是代表我這個task冇做到，之後果d task我都係亂寫亂做的，其實我連它的題目我都睇唔明，不斷咁抄Data File，我寫了些它講的東西在Data File裡，但我唔知道應該加在哪裡好，所以後面果幾個task都係亂寫一通，連自己都睇唔明自己寫緊d咩！

今日係考英文的paper A(Reading) & paper B(writing)，而去嘅係柴灣嘅寶血女子中學，有的同伴係麗寶和Kammy，而另一個人都係仁班嘅，我唔知佢叫咩名，今日仲碰到以前都係讀自己果間學校嘅(謝宛銘？)，原來佢仲讀緊書，佢今日都係嚟會考嘅。今日考嘅地方同之前考嘅地方好唔同，今次唔係在禮堂考，而係分十幾班，去唔同樓層唔同班房考，而且這間學校只有女仔來考，女子中學真係女子中學。Paper A我唔夠時間做，而我身邊嘅人做哂兼有時間淨，而我就有成兩版半做唔哂。Paper B我選了第二題來作，係關於學校重建，你是否同意。我作這遍文係用悠悠閑的心態去作，用左大部分嘅時間去作task 1，而task 2就磨吓諗吓先作到出嚟，我估計我自己作唔夠百五字，而我就見到身邊的人超勁，作到去第四版，每版都係滿滿的，我唔明點廸佢地可以作到咁多，而我就要攪盡腦汁先可以作到果唔多百五字的文章出來。唉！太失敗了！走果時，我地碰到林凱欣，原來佢都係在寶血到考ga，而且佢仲話雷雪萍都係同我地一樣在那考的。之後我就搭車到鰂魚涌嘅圖書館還書，順便睇吓，那本教煮咖啡嘅書在冇，失望了。

今日我要去聖貞德考經濟科，我和麗寶約定了邊個最早去到要去考試的學校就要打電話比遲來的那個人(因為麗寶同我去的學校差唔多一樣)，不過每次都係我最早去到，而佢次次都係差兩三個站先到，雖然係咁樣，但係有個人掊會好d，唔會好似第一次去考咁緊張，唔知道會唔會有人同我一齊去考。我去到那間學校時，仲有約半粒鐘嘅時間，但係到要入去時我都未睇哂果本'最後一分鐘'，於是我就一路溫一路行囉，點知我行到入去禮堂幾步後就撞到把扶手，係比果d要坐輪椅嘅人用的，而且仲係撞正個肚天，雖然唔痛，但係正好有個人經過見到我嘅醜態了。今日考嘅Econ好難ar，乙部有三題，其中有兩題都冇做過。個試場好似個雪藏櫃咁，我要抱著自己個身體先正好番d咋，我都唔明開咁大嘅冷氣嚟做咩，係咩幫我地降溫呢(緊張時體溫會上升，手會冒汗)。考完之後，我就去番自己的學校門口同+2會合，而麗寶就同區永欣､阿wing佢地走，去到門口時，原來廬清清､楊月嬋也在那，但佢地要等呂小玲先可以去食野，而+2佢就在抱怨天氣好熱､個頭好慶，之後人齊之後我地就去左雲景食飯，我地就一路食一路講番經濟考嘅野。原來穿便服係唔可以在學校裡周圍走ga，就算係用訪客嘅身份都唔可以，只可以在四樓大堂逗留，連去自修室都唔得，所以我地就只可功敗垂成的回家了，浪費時間！

今日我好忙碌ar！我早上8點幾時比媽咪叫醒，叫我代佢番工喎，話帶我去一陣，教我要做d咩先，之後佢就要去其他地方做另一份工(因為這一份工唔定時的)，佢話佢唔係分身唔到去做，就唔使求我這些咁難求嘅人喎，佢一路講這些就一路用手拍我嘅大脾(好痛ga大佬，我又唔係銅皮鐵骨)，我想拉張被去擋，佢就同我搶被，又做番之前嘅動作，比佢講到煩時，我唯有妥協跟佢去lo。我地係搭電車去嘅，好多賓妹和大陸遊客搭電車ar，後來我先唸起今日係星期日，賓妹放假。去到果時，d人第一次見到我就我媽咪我係咪佢嘅女，佢話唔鴿，只係識得ga啫，我有唸佢點解答唔係，但我最後唸到佢係想保護我，所謂人心難測ar ma！原來媽咪叫我幫手做清潔的那間店係女裝手飾店，賣嘅野要成千成萬先買得起。原來話要11點先放工，但我地10點幾就搞掂哂，同我一齊去做嘅其中一個aunt約左人，但佢唔識去，於是我就同佢一齊搭電車叫佢在那個站落車，因為順路ma，到左站之後落車，我發現黃鳳玲同我搭同一ga電車，而且係同一個站落車。之後我哥比錢我去買麥記之後，我就去左生日禮物(張張話佢今日開生日party，由於佢正式生日果日冇人得閑，所以預早慶祝生日)。

我去到果時好少人，得佢細妹､黃嘉麗(阿Kam)和佢嘅阿媽，果時我以為真係得咁少人。入到去時，霈茹正在寫緊書法(功課來的，我小學時都有，佢同我嘅做法一樣，攞果張野擺落個底，之後就用毛筆照字樣寫)。之後人就逐漸咁到來，原來唔淨只我地ga，來的人有佢嘅阿嫲､姨媽和一個肥肥地嘅女人(應該都係佢嘅親戚來的，佢都幾親切ga)，後來過左一段時間後又來了一批人，2個男仔，佢地係兄弟，再之後就又來了一對夫婦和一個細路，佢地係一家人，生日party就開始了，在未人齊之前，我地就在玩撲克牌，開始時係玩鋤大dee，後來我唔識玩嘅十點半和廿一點，我都識了，後來仲用真錢天(不過只係用$0.5和$1，但我都冇出過一分錢，開始時我不時的輸，後來就不時的贏番)，佢地兩兄弟都幾nice ga，同我這個第一次見面嘅人都幾玩得埋。我地玩撲克牌玩左幾粒鐘去，之後我地就分左兩批人玩，一批玩象棋，一批就玩飛行棋(超小版的)。之後我地就玩UNO(不過佢地好似對電視所影的'精武家庭'較有興趣，玩左幾局之後就失哂興趣了)。今日過得好充實超開心，有時我地所做的動作或講嘅野都會做成笑話，引得大家哄堂大笑。原來大哥(日言?)係會考生來的，同我一樣，而細佬(日朗?)佢仲讀緊中四。10點幾我地就散會了。

今日係第三日嘅會考考試，而今日考嘅係中文嘅卷三卷五(聆聽和綜合練習)。我去到考埸攞出個收音機先知，我嘅收音機係咁大部嘅，而其他人攞著嘅收音機係幾咁細部嘅，比其他細部嘅收音機包圍著嘅感覺係幾咁尷尬ga，我一路低著個頭，一路調整個台，我較來較去都調整唔到個台，原來佢仲未講較到去邊度，較好我先知我嘅收音機冇問題嘅，之前較唔到果時以為我部收音機有問題，真係比自己嚇了一餐死，之後我唔小心碰到個收音機跌左落地，果時我真係比佢嚇破膽，好彩我試番之後證實佢冇事，不過唔知係我嘅earphone有問題，定係部收音機有問題，聽聽吓會聽到其他台講嘅野，有時會聽唔清楚佢講嘅野，要將個頭另來另去先再聽得清楚，卷三算係容易的了，如果我可以再專心d聽嘅話；而卷五我好似有一半嘅內容離左題，淨番半粒鐘果時我先正去睇到自己嘅問題，想問過考官攞紙再寫過，但這是冇可能的，所以我唯有繼續寫落去lo，寫番d比較轉番題目嘅內容lo。中文差口試咁就考完哂中文了。