今日我8點幾起床，打電話比+2，點知有一把低沉的聲音出現，唔知係阿嬸定係阿婆來的，我講出我想找的人，佢話冇這個人話我

打錯電話（記得當時我喉嚨不太舒服，我好似講'咩'音，將'+2'變做'解2'，我cut線之後想我係咪講錯名人地先唔知我找邊個呢，我

又想我係咪打錯電話，拿本電話簿來睇睇，我真係打錯電話，我將+2的屋企電話同她的手提電話加埋一齊打（先將屋企的前4個字

加手提的後4個字)，之後打番正確的電話，佢細佬話佢出左去了。打去佢個手提，佢已去到穎住的那層升降機中了，佢叫我換左衫

先，佢地出去時先打比我叫我出去。我差不多等左成粒鐘佢地先出去，這次我地又遲到了，我地去到樂teen會時，見到好多人在搬

嘢去公園裡，準備整攤位。我地入到去不久就有嘢做了--整汽球，+2就不停話要走，整完汽球之後就係包禮物，再之後就係拿

汽球同遊戲飛出去派。派完汽球之後就到食飯時間，食完之後，我發現了3本書--百變小櫻magic咭，我睇緊果時Amy拿了幾張紙

比我同一個我唔識的男仔貼，貼完之後就繼續睇，睇完之後見個圖書櫃咁亂就執拾了一下，之後上番上層，見到+2在寫緊遊戲

規則,而我同穎就拿d嘢跟著阿橋去公園了，去到時見到個太陽用猛烈的光照射緊個場地，去到我地負責的攤位時，我先知我地的攤

位係近出入口位的，我地開始布置我地的攤位，布置完後，仲有一段時間遊戲先開始，在這段時間裡我覺得幾無聊ga，到3點幾

表演先開始，我見到梅､明､寶他們在表演跳舞，我仲見到Lia都來了（我想她是來等佢條仔），他們跳舞都幾勁的。４點幾（好

似）遊戲先開始，一開始時，我負責的遊戲都幾多人排隊ga，但過左幾個字之後就變得好少人了，而+2負責的遊戲就好多人，我

唸這些IQ題真係咁難咩，我地已經比好大提示的了喎。+2忙到氣到不及喘，欣雖然來了，但她都冇咩幫到手，穎雖然有幫手，但

大多時間唔知她去了哪，而我都不是好得那裡去，我清閑時，都冇幫到佢，距離遊戲時間仲有幾個字時，阿橋就幫手頂替了+2的

遊戲直到結束。+2之後生我地氣一陣。之後我地就幫手執拾攤位,我地臨走時，報了一個班--化妝班。之後我､盈和+2就一齊去了

sasa等英，之後我地就去左銅鑼灣的時代廣場映貼紙相，雖然映果時好快，但映出來的相幾靚ga，雖然這是第一次映，但我可能

愛上它了。之後英就走了，我､盈和+2就去大家樂食晚飯，我１０點幾先番到屋企。

愛情時間：

不要因為峭壁是高的，而讓你的愛情坐在峭壁上。

今日早上冇功課要交，比平時要交這要交那輕鬆了很多。今日第二節數學堂有測驗ar，今次嘅MC題超難ar，而長答題反而容易D，

不過今次我又衰在浪費時間裡，要到阿sir來到我面前搶，先可以收到份卷，盈都係咁樣，我地次次都係咁樣先會罷手。第７､８節

有一個活動，全個中四級都要參與，這個活動都幾新鮮的（對我來講），要８､９個人用２隻手指將一個人抬起，這個活動都幾受

歡迎的，個個都在尖叫大笑。這個活動完畢後就係我地修會計的人辛苦的一亥了，因為我地要測驗，這次所測的是我地全部人覺得

是最難的，測完之後又要補課，不過好彩Miss來遲了，所以唔使補課，雖然仍然要測驗，但這已是特卸的了。這一日就由緊密的行

程在此結束了。

近來天氣變得愈來愈熱la，人真是好矛盾ar，凍時就想熱，熱時就想凍，天氣一年比一年熱la。今日體育（羽毛球）我考咗了，我

同盈一組一齊考。

今日我６點幾先訓覺，跟著１２點幾就起床，４點幾去圖書館還書，４點半去了二手的碟鋪睇有冇小櫻的碟買，但今次又要失望

了，見咁樣就逛了一陣，出店後就見到＋２在等我，我地入咗天悅買野飲，之後就去穎的家，這次係我第一次去好的家，原來她住

的地方都幾偏僻的，她那幢大廈的升降機都幾細的，只可容納３－４個人，上到去時穎已在門口等我們了。她的家設有兩層，樓上

應該係她兩姊她住的，佢間房好整齊的，唔似我的家，成個垃圾堆咁，我地在她的房間練歌，因為我地想參加學校的歌唱比賽，我

地練到練到喉嚨到沙沙地，我地練咗好耐，但我就係唔係點記得歌詞，而佢地唱到差不多已經記得了，８點幾，我同＋２就走了，

因為穎的爸爸番來了，而且飯都煮好了。

愛情：

愛是沒有限期的，但愛的人的時間是會流逝的，要愛惜跟前人啊！

冇見盈成個星期，今日她終於番黎la，佢嘅髮型有少少唔同咗，佢d頭髮變曲咗，睇落去好似比之前長咗，家話佢下身變肥咗，而

塊面就變瘦咗，今日我覺得比之前的那個星期變熱鬧咗，冇咁無聊咗，不過上堂就冇咁專心咗，哈哈。連Account堂仲比較更加有

興趣咗。

今日我要番學ar，因為今日有學長訓練，我唔係好想去ar，所以原本９點要去到，但我差唔多９點先起床，悠悠閒的行去車站等

車，悠悠閒的行入學校，悠悠閒的行落去地下。領我地那組玩遊戲的人係翠兒，我､家和英玩了2､3個遊戲之後就冇玩la，而我就

有些唔係幾舒服（頭暈），這是傷風､感冒的徵兆之一。今日的訓練比之前的訓練較早些放，我､萍､家和英就一齊行落山，萍之

後就走了，我地幾個就去咗吉野家食。食完之後就行咗一陣，主要係睇吓手機。之後我就一個人去了中央圖書館借書，再行了一陣

銅鑼灣，時代廣場那舉辦了一個有燈謎的活動，我睇咗一陣之後就番屋企了。

今日我９點倒起床，滋滋整整之下１０點幾就出門了，去買禮物，因為今日係壽星女－－家的生日。我以為今日我會遲到的，點知

相反，早到了十分鐘，我等到１１點時仲見唔到有人到，所以我就出去地鐵站外睇吓見唔見人，係見唔到人的，我又入番地鐵裡，

等咗約１０分鐘倒，我先見到君一個人來到，佢和家在通緊電話，佢話家在搭緊巴士黎緊，叫我地去book定K房先，於是我地就去

了，但我地首先去的地方不是Neway book房，而係去買蛋糕先，君一路傾電話一路在趕路，非常忙，因為佢唔想比家見到，想比

個驚喜佢，但入到去Neway時，那些工作人員，不停的問洗唔洗拿個蛋糕去雪櫃雪，這個驚喜就這樣被公開了，唉！我地總共有五

個人，雖然人好似少了些，但我地都唱得幾high ga，而我就唱到喉嚨都沙埋，但最主要的人就冇咩唱到la。唱完食完之後我地就

各散東西了。今日我姑姐和奶奶來了，但我在睡覺中，因為我今日已經消耗哂我所有的能量了，需要補充，而且我訓到連晚飯都冇

食，她們走了我都唔知道。

愛情之語：

彼此相愛，但不要造成愛的伽鎖。

今日我１０點起身，因為我要去奶奶家拜年。當我出了地鐵去到商場時，剛巧見到姑姐買完嘢要番屋企。奶奶話佢出院了唔係好多

日，所以新年的事宜咩都冇做到，佢仲話如果佢精神d天的話，可能星期日會來我家探我地。姑姐１２點幾有d嘢做就出去了，我過

了唔係幾耐都走埋，只得番奶奶在家中了。我依約定５點鐘就到吉之島出面的巴士站，沈和bb早已經到了，仲有肥榮､勇､尢和尢

的兩個哥哥未到，到咗唔係幾耐肥榮和勇就來到了。我又被耍了，因為bb話佢自己識去，但真係唔係好識去，被他帶著在商場內逛

了一個圈，之後先去到那間戲院。我地今日睇的戲叫《心想事成》，原來有學生優惠價的，而肥榮和勇就買了《門徙》，所以我地

要分開來睇，原本我想叫埋家一齊黎睇ga，但bb話佢之前去睇過了。當我地買完飛之後，尢他們先黎，他們睇到張飛之後，尢的

哥哥們就話尢騙了他們，我聽著他們的對話，我差些笑到肚痛，但最終他們都係入去睇了。我地睇完之後就一齊去食飯（肥榮和勇

他們睇完戲之後就走了），我地排隊買嘢時，見到財神爺在派糖比在食緊飯的人，我地都有。食完飯之後，尢的哥哥話要去買

衫，剩下我們三個人，之後我地就去咗吉之島逛了一陣。

愛情之話：

沒有愛情的生命就像是沒有花和果的樹，沒有美的愛情就像沒有芳香的花，沒有種子的果。

今日係情人節ar，學校舉辦了便服日，不過要捐１０蚊先可以穿，我班的全部女仔都冇穿到便服，有d捐了錢都冇穿到，唔知這

係唔係甲埋ga呢，這我就不太清楚了，每個人都差唔多穿服，令到我唔係好習慣，我每次見到一些唔識的人都以為他是校外的人。

今日的氣氛好熱鬧，每個人都走來走去請人食朱古力，我們班上也有這些瘋狂分子，好似家咁，帶了２､３袋自製的朱古力派比

人，派完之後仲要落山去再買番來繼續派，真是有夠瘋狂ar，仲有盈ar，她都差唔多係咁樣的了，如果唔佢的朱古力在溶緊，唔好

意思送比人，我想她與家都旗鼓相當的了。在午膳時間，學校的english club舉辦了一個情歌點唱站，只要比唔知５蚊定１０蚊就

可以點歌比一些人聽，不過都唔係一些人的了，因為它一播歌全校的人都可以聽到的了，由於我成個午膳我都在課室做數學，全部

歌我都聽哂。今日我又要去增值班ar，盈也倍埋我一齊去。這次的增值班冇增值班的氣氛，聊天､出位､出班外睇人踢波都冇老師

理會，不過這麼多次的增值中，這次我增值得最開心的一次，我在這次增值中學會了兩個遊戲，第一個係黃sir教的，這遊戲係問

你咩嘢，都唔可以問點解，而第二個係冼（力co）教的，這遊戲係問你彩虹的顏色，但唔可以講紫色這個字眼，我同盈都比人整

了，所以這次的增值時間都過得好快，而且仲唔捨得走天。

送一首別人作的情句比你：

愛得愈深，痛得愈甘；情根已深，難以抽身；

雖說死心，但願重新；愛是純真，笑我癡心；

只因為從一而終一往情深。

今日的學校生活都算過得幾平靜。我這個月的午餐差不多都係食麫包為主，因為我次次都係先洗「未來錢」，so日日都要食麪包。

今日家冇番到學ar，聽穎和君說她發燒發到１０２度ar，唉！我都幾失敗的ma，連這些事都要遲遲先知道。我同家她們的關係好

似冇以前咁好了，我地成日在學校見到面，都好似冇咩嘢傾，唔知係咪我有問題，還是我與她們的距離又拉遠了？！　我近來上中

文堂比以前專心咗好多，可能係我附近的人調咗位嘅關係吧！冇咩人會騷擾到我上堂。我近來又發現到，自從考完試之後，個個人

的上課態度好似變咗ar，好似變得冇咩心機上堂，連我都係咁ar，咁係唔係好大件事呢！又好多人都想cut科，但我又冇咁做喎。

我覺得近來過得好無聊ar，今日中７好似考完試了，好似話十幾號佢地就要走了，要到３月唔知幾多號先番黎一次睇成績ar。

今日一落堂冇幾耐，我就走了。出到校門我見到阿wing，我本身打算同佢一齊搭車番屋企ga，但在我睇緊阿wing借比我嘅報紙

時，欣和盈就問我一唔一齊行落山，於是我就丟下阿wing同佢地一齊落山，睇電話､買嘢食，之後就各自回家了。

愛情的始渝：

世上若只有一件事能洗去人們的憔悴，那就是情人的淚。