今日係中文考試。

今日終於要考試了，而今日第一科要考的是英文科reading & writting，writting都幾唔得ga，只係寫咗幾行字！我唸我都要補

考的了！

今日我成日都在屋企，咩地方都冇去到，不過這都唔係咩奇怪嘅事了，每次一放假我都係留在家中睇書玩電腦，不是的話就係去圖

書館借書還書，除了這些之外都冇咩好做的了，今日我躺在自己張床上睇書，過咗幾個字後，坐的位置已經有d濕嘅感覺，唔係我

賴尿，而係天氣太熱。

我近來迷上了睇張佩瑚的小說，琴晚我就通宵睇佢嘅書－－阿貓，張佩瑚寫嘅都幾好睇ga，我之前借了幾本她的書，例如「難道相

愛等於不分開」「愛情總是等待的」，我今日想開始睇「遺落在天涯海角的心」，唔知佢講d咩嘢ga呢，有d期待，希望睇完這本

書之後，唔會令我沒有了睇佢的嘅興趣la，因為只要有一本我對佢冇咗興趣，之後那些我就唔會再想睇落去的了！　今日有外評人

員來我地果班同我地一齊上課，我地學校叫這做「影子行動」，我以為佢只係觀察其中一個人的上課情況，但原來唔係，佢都會睇

其他學生嘅上課情況ga！　今日有一件事令我幾唔開心ga，lunch時，盈無啦啦話死啦，+2想了一陣就馬上知道，我就問佢兩個

做咩死la，佢地又唔搭我，問了幾次都係咁，後來盈就哭了起來，+2就去安慰佢，我有些無奈，我唔明點解佢地可以無所不談，可

以咩都講比對方知道，但面對我時，就咩都唔肯講比我知道，我心唸我真係咁倌唔得過，咁唔值得佢地相信咩，唔通我地嘅友誼只

係到到這個咩秘密都唔可以講的階段？難道這友誼係假嘅？我心愈想愈氣，上課鐘聲響了，我就自己一個先走一步了，之後到到放

學我和盈都冇講過一句話，連拜拜都冇講到。之後我同+2就留在課室做功課（我就同肥之談話，他邊做邊同我傾）到到６點幾先

走。

「張佩瑚」寫的愛情思話：

忘記一個人，可能需要用上一生的時間，但感動一個人，需要的並不在乎時間的長短，而是一個好機會。

今日的時間過得都幾快！我記得好似在上第二節中文堂時，突然收到一張通傳便條，一睇差d比佢嚇死，校長竟然要見我，我見到

張後，我就有些討厭佢，我不太想見校長ar，不過這已是事實了，改不了，鬼叫我在今個月生日咩，在第一個小息要去校務處報

到，落到去時我有d驚，以為要即刻見校長，我就在那附近徘徊了一陣，之後我見到有人又拿著那張紙，我就跟埋過去了，鵬原來

同我同一個月和日生日的，不過我地唔係同年生，哈哈，除了他同我同月同日生之外，我的乾妹都係同我同月同日生，不過我地又

唔係同年生的，佢地都細我幾年，我有些討厭我咁早出生，差不多全班我係最大咁，有些老人一輩咁嘅感覺咁~.~　到了lunch

時間，我覺得過我好緊張，因為１：５５真係要見校長，估唔到這間７１的辦事能力咁差ga，我地由１：１５等到１：５０先有嘢

食，叮飯仲快過陸麪食，我地都好後悔選了陸麪食（以前陸麪食快過叮飯食ga），等麪之後我要好快咁食，因為我要遲到了。去到

時，鵬剛好也來到（我遲到了），校長同每個人講果d嘢都好似一樣咁嘅，+2以講番校長之前問過佢嘅嘘！　放咗學之後我留在課

室做番我之前冇做到嘅accout功課，我拿咗昌叔嘅功課黎抄，弄到佢要等我抄完先可以走得，有些過意不去。

今日我､+2､盈､穎､英､欣相約在各人上的巴士站等，+2話見到她就上車，但我一去到見到穎跑，而且１０６那架車已來到，

我就跟著跑上車，但上了車比了錢，穎話上錯車（那架車去的地方係對嘅），她和欣在後面那架１０６（未見影），穎由於接收的

訊息錯誤，而且又趕時間，這件事就發生了，後來+2搭的那架車已在身後，而且仲爬過了我們頭了，幾次不是她們爬過我們頭就係

我地爬過佢地頭，另一件事又發生了，就係英她們又上了另一架車，之後英她們首先到達，第二是+2她們，最後係我地，最好笑的

是，我們到了站，先知我地分別一對對的（我和穎､+2和欣､盈和英）搭唔同的１０６到站，我同穎差不多到站時見到舜好像在等

人。我地知到了這一件好笑的事後，大家都在哈哈大笑。我地今次去的目的地係紅館，去到時，那已經有好多人在那等了，我地入

場時，有工作人員在派各人所需的鼓，入場後，我就好無聊咁等佢開始，等咗個幾鐘先開始，嘩！在那段等待的時間裡，我簡直等

到發荒了，無聊到極，那時我好想走人，我覺得佢地簡直係浪費緊我地嘅時間，而且那日我還書的日期又到了期，我好似像熱窩上

的螞蟻一樣咁急。到３點幾，終於有休息時間，我就連同我的背包遷了位，我的笑容先回到臉上。到５點幾我地終於可以走人了。

今日對我來說是一個特別嘅日子，因為今日係我嘅生日，不過生日我都要番學補課，唔使講都知係補咩ga la，咪又係補account

lo。我琴日只顧著訓覺，咩都冇做到，因為我唸著第二日早d起身先做，但每次我都失敗了，我每次都係比睡魔給吸引著了，唔知

醒！我和+2今日又約咗在總車站那等，一齊番學，今次家遲來了，司機已啟動了車，而其他乘客已上哂車了，她還沒來到，可能

司機早來到，所以仲未開車，困時我好擔心司機會開車走人，因為上次我地上了車不久，司機就開車走了，不過今次都幾好彩，+2

趕的到時間來到，唔係我地就會遲到的了，如果諧到了，miss就要罰我地遲到幾分鐘的紙了（一分鐘一疊），每次補課都有人遲到

，最遲的人仲遲咗約半粒鐘咁耐天，所以要罰比３０疊紙咁多。今日我收到兩份禮物，係+2同盈送比的嘅，+2送嘅係相架，而盈

就係一雙可愛嘅玻璃杯仔^^。多謝哂！　我每次嘅生日都過得幾平凡ga，而又冇開party，又冇生日蛋糕食，今日生日連我自己

的家人都唔記得了，媽咪仲話做咩收人地禮物，到人地生日果時又要送嘢比人，下次唔好啦！我聽到之後都幾無奈ga，我又冇強逼

人地送，而且這是人地嘅心意來的，唔通話比人地知，我可唔可以唔收ar，這樣嗎？＠＠

今日放咗學之後，我地成班都要去中環的孫中山紀念館參加。原來它的所在地都幾偏僻ga，去到門口就見到孫中山先生少年時的石

像，我地就在石像前映相。入到去時，裡面佈置得幾靚ga（有d似女仔住的房間咁），個個都在那映相，成個紀念館共有４層（計

埋地下室），每一層都有好多個室，不過佢地係相通嘅。我記得最深刻的事物就係「四大寇」的假人像，佢地真係造得好似真人

咁，盈話佢地d腳好恐怖（我唸係佢地對腳用布包住穿著對鞋，睇落真係真人的腳咁，所以就話佢地對腳恐怖吧！），但我就唔係

幾覺了。本身我地幾個一齊參觀ga，但行吓行吓，我地就失散了，到５點７､８個字倒，我先落去地下，原來佢地在等緊我。落山

時，那些店舖真係令我大開眼界，因為我平時冇來過這一頭行過街，有好多店舖我都冇見過ga，就算有都係在電視裡見過，未真正

見過，今次係第一次見到，我果時真係好開心好興奮。落到山後，我地就找地鐵站，miss leung就話比我地聽在那可搭到，於是我

地就信佢上咗去，但我地見唔到有地鐵站的標誌，於是就問人，但佢地話唔知，有d人指番落地下話點去，這樣我地就被miss騙

了。我地就落番去，盈話佢要找人，就同我地８８了。我地找了很久先找到個地鐵站，果時我地d腳已經好痛了，我地差不多成粒

鐘先去找到它，中環的地鐵站好鬼死長ar，行了約１０分鐘先去到月台，那時已是上班族放工的時候了，我地上到車時，已經算逼

的了，到了金鐘站時，那裡簡直可稱做人山人海，令到原本算叫逼的車箱變得更加逼上加逼。到了側魚涌時，人潮先有些減少了。

穎和+2先有位坐。我番到屋企時，我二哥就叫我去買菜，那時我的腳已痛到差唔多斷，我話比佢聽比得休息吓先，我對腳好累，我

已經行了幾個鐘了，之後佢話：唔係ar ma，行果幾粒鐘就話累，真係冇用ar。果時我真係好想打佢！最終我都係去了，番黎之後

我就煲個飯，之後去洗衫，洗完之後就幫媽咪手煮菜。食完飯之後，我就開始做功課，做吓做吓已經２點到了，而且最煩的是我唸

極都唸唔到果個數點計出黎，到我想放棄時，先計到它出來。之後就去沖涼，我睡果時，我二哥就餃餃震，次次要我拿著枝笛佢先

罷手。那時我先有真正的機會休息，不到多久我就訓著了。這日真係超累ar！

愛之情話：

只要你不畏懼，而且勇敢地伸出雙手，真心終究會與真心相遇。　

今日+2和英都冇番到學ar，感覺有d怪怪地，佢地好似約埋一齊唔番咁，但又唔係喎。放學時，我搭５２９番屋企，穎和欣欣都同

我搭一架車，當架車去到北角賓儀館附近時，我地聽到其他乘客的異動，就好奇望向他們所望的方向，我地見到楊思琦和影《美女

廚房》裡試食的那個粗眉周師傅，在一架類似巴士的觀光車上，佢地好似在拍緊嘢咁，楊思琦佢同我地架車的乘客微笑揮手ar

！她化的妝好濃ar，欣欣話佢比真人仲靚女喎！由於佢地架車開得好慢，而我地架車就比佢地架車開得快，所以就再看不到他

們了。

今日都冇咩事發生，時間上都過得幾快，只是上英文堂時的時間過得特別慢d，因為我愈來愈怕英文了，我對英文有一種恐懼感，

尤其是要講英文時。今日都幾用腦ga，因為今日有三科要默書（中､英､地理），中文和地理我還可應付得來，但英文我就唔係好

店la，要默句子，我係聽唔明佢要默的那個字，要睇果個字我先明佢要默的是什麼字，傷腦筋ar！唔知考試點死la！英文唔合格升

唔到級的，我好擔心ar！