今日１２點幾就被我媽咪叫醒了，叫我幫手準備去拜祭嘅嘢，我半睡半醒之間咁開始幫手，我唸著唔使去ga，咁我就甘願咁幫手，

我以為我哥會去ga，但當我地差不多準備完，媽咪叫佢換衫時，佢話３點要去上堂，唔可以去，我果時仍認為我唔使去ga，因為

我要去圖書館還書（今日過期），我就話比媽咪聽，點知佢話唔得，佢話自己有仔有女點可以自己去，於是我為有答應了，於是我

就叫我哥去時順便幫我還，我果時好唔開心ga，點解我唔可以唔去，我都有嘢做ga ma！去到那裡時，果到冇咩人，點完之後我

被d煙勳我好辛苦，有些吸唔到氣嘅感覺，我問媽咪走，佢唔答我，企住係到，唔知在望些咩，後來唔知佢係邊到找了張t出黎，抹

個靈位，佢話下次黎時，找塊少少濕嘅布黎抹個靈位，之後我地行落山，到另一個地方拜祭另一個人，果到比之前的地方好少少，

但係仍冇咩人在拜祭，拜祭完後就行落山去搭車番屋企了。

愛情思語：

美滿的愛情不能光靠心靈的一團愛火，還得有大腦對愛的冷靜思考，才能長長久久的延綿下去。

今日我要補課ar，又係會計，不過補課之後，我都有學到d嘢嘅，而且今日遲咗大約１５分鐘先開始補課（miss遲到），加上今日

仲早放咗天，今次都算係第一次，以前每次補課都係遲放ga！今次補課都補得幾開心ga，所以時間過得特別快！我､盈和+2一補

完課就趕著搭車落山去上另一堂課－－學化妝！上完第一課得就冇咩興趣繼續去學了，因為化妝好麻煩和繁複，而且好浪費錢的一

種興趣，卸妝時，我覺得好恐怖，成面的水都係白色的，那導師joey話過，如果卸妝時，清理理得唔乾的話，那些化妝品就會侵蝕

面部的皮膚，我聽完之後就唸，唔化妝好過化妝la。+2佢好反複ar，去咗又唔去學親手化妝，咁點知自己係唔係真係記得或懂點化

妝喎，有問題想問又唔問喎，都唔知佢想點ga？次次參加咗個活動，到最後佢又想反悔唔想去，佢好茅盾ar！都唔知佢想點嘅？盈

開始時都想退縮ga，但到了學果時，佢就顯得好積極好踴躍了！而我，個導師叫我地做咩就做咩，又冇問題問又唔係顯得好踴躍。

而欣欣就同得差唔多，不過佢今日出去比導師做示範，教我地點化妝，我地都忍唔住在位上笑。今日本身仲有一個學員（唔識）

ga，但佢請了假，冇黎到，所以得番我地幾個。我地上完這堂時，那裡已經到了關門時間了，我地走時，那裡的人已經走得七七八

八了。

愛語：

愛情的永恆不在於時間的長短，而在於心中停駐的剎那－－每一刻的真心愛意皆成永恆。

我今日比媽咪鬧ar，佢話我咩都唔做，只顧著訓覺，放一個月的暑假又係咁，咁多人都唔會似你咁，真係養浪你，仲唸住養個

女仔幫手做嘢天！　佢每次鬧我都講這一句話，每次只係鬧我唔做嘢！又唔鬧吓d男嘅，e家都已經係２１世紀了，男嘅又唔係唔使

做家裡嘅嘢，而且佢地仲唔使出去工作天。唉！媽咪真係好偏心ar，都唔明佢點解咁鐘意偏幫男仔的，這很不公平ar！

今日我都幾忙，lunch忙著剪整壁報所需要的紙，只食咗少少+2（她媽咪整的）帶番黎嘅烏冬麵就冇食到其他嘢了。放學之後，我

就落咗自修室同肥芝和bb一齊整Econ嘅壁報，我地三兩吓就整完了，之後+2佢地都落埋黎，佢地整嘅係中史的壁報，我整完

Econ嘅壁報之後就過去幫佢地手，在這中間發生咗一些事情，到６點幾先番屋企。

今日我地修會計的人要番學補課ar，而且又有測驗天。今日我和+2相約一齊番學，而盈､凱欣就一齊。我地補課由１０點補到１

點。今日的補課都幾輕鬆，不過我測的驗唔使問又倒了。補完課之後我地一排共６個女仔行落山去吉野定食lunch，食完之後只剩

下我､+2和盈一齊去鞋鋪，因為+2要買番學鞋，買完之後，盈走了，我和+2就搭電車去筲箕灣天悅，+2話要買出街鞋，在地下

我地就碰見衍買野食，買完之後，我和+2就到巴士站等車，在那+2又碰見她的一個小學同學（女），+2走了之後我就去街市幫媽

咪買魚肉。一天的行程就這樣完結了。

今日約２點幾，我正準備完畢要去圖書館還書的，突然電話響起，原來盈打來的，問我一唔一齊去麥當奴做功課，我考慮了一陣就

答應了去，之後她有電話入，就話一陣再打過來，而我等了一陣就出去還書了，我在圖書館逗留了約一個鐘，之後就去了惠康買了

個夜菜，回家整公仔麵食，番到屋企問我哥有冇人打電話比我，佢話冇，我心想盈又話過一陣打比我的，點解仲未打？於是我就打

比佢，我地傾咗一陣，由於我地約咗５點到那，於是我就話就黎遲到了，佢就好急咁叫我快d到。我去到之後見仲未有人來，以為

佢地在麥當奴裡我，我就入咗去，見唔到佢地，於是我就行番出去等，等咗２､３個字個心仲有少少平靜，但又過咗１､２個字，

心開始急，唸點解佢地仲未黎，於是我就打電話比盈，點知打唔通，於是我心情就難以平伏，行來行去，打算上門找人，但我又唔

知佢住在哪，於是唸住向前一直行去碰碰運氣這可能可以碰到她，行咗一小段路就有一個推銷護膚品的人問我一些資料，之後就帶

我入去佢地的攤擋推銷佢地嘅產品，仲塗了一'劈'嘢在我手背上，而佢就不停咁推銷，我就不停的搖頭，佢講完之後就放咗我走。我

又行番去麥當奴見佢地來了沒，但都係唔見人，我一氣之下就打算走人，我一入到地鐵站內就碰見凱欣在那，原來佢都係在那等咗

好耐，都唔見盈出現，佢話剛剛打電話比佢話１０分鐘後到，在這段時間我就不停咁埋怨。今日我真係好嬲，我從未試過等一個人

等咁耐過。她來到時我就對佢講'我想殺咗你'，入到去麥當奴佢話佢要番屋企拿書，因為剛剛佢同人去街。６點幾bb加入，而到了

約７點，凱欣就走人了，又過了一段時間，肥芝又加入，我地在那咁耐只係做咗２､３份功課，到１１點幾我地先走人番屋企食

飯。

愛情話語--聖經哥林多前書說：

愛是恆久忍耐，又有恩慈；愛是不嫉妒､不自誇､不張狂､不作害羞的事；不求自己的益處，不輕易發怒，不計算人的惡...

今日的陽光好閃ar，比我的感覺好舒服，好似今日會有好事就來要降臨的樣子，我好鍾意好鍾意這種感覺啊！唔知這種感覺可唔可

以保住呢？唔．．．我好想抱住佢ar。

今日超凍ar，凍到我唔想起床，一直訓到２點幾我先起床，等陣我仲要出街去交上網費天。我記得Miss之前講過，之前落過鋒面

雨，所以之後幾天都會好凍。

我今日非常肯定我已經染上傷風，因為我又咳又流鼻涕，我也非常肯定我次次有病時，多數都係在我放假的時候，連+2都係咁講

的。番埋今日學，明天就放假了。

今日lunch時已經落緊細雨的了，不過我地（英､我和+2）都冇帶傘，想到去仁班借傘，但那裡只剩下一把好似瀾傘的傘和一把舊

而大的７１傘，我借完之後，英佢地話咁拿出好樣衰，個個都唔願意拿出去遮，只好比番仁班，於是我地就淋著細雨出去食飯，

去到當時落的雨還好的，但到我地落完單叫外賣一陣之後，個天就與我地作對，一落就落個超級大的雨，而那間店的工作人員不停

的勸我地留在那食，我地就不停的想辦法點樣番到學校，於是英佢地就拿著個手提想找人拿傘來，但唸來唸去都係打咗比穎，叫她

拿傘出來，我地就在食緊中等穎的到來，不到多久她就拿著2把傘來，她說她那對'物'已經濕哂了，事實證明個天真係同我地作對

的，因為當我地差不多食完飯時，大雨先變細雨。差不多上堂時，個天又落番雨，我地上會計堂中途時，個天突然打一個好響的

雷，有些女同學仲尖叫天，而我就用對手掩著對耳仔，而+2就驚到用對手抓著儀的手，抓到儀叫痛，仲話佢癡線天，我望出去個

窗，個天好黑好似就要紅色曝雨警告咁，不過最終係冇紅色暴雨警告的。放學之後，我又要去增值班了，今次有盈和Gilby倍我一齊

去增值。

愛情的句語：

思念是細緻編織的雨絲，密密麻麻地漣漪了心湖。