今日我和阿羅在12點幾一齊搭地鐵去天后,去大家樂食完飯先番學校,我地就直接上7樓圖書館,青蕉､碧琦和邱邱已經到了,溫習緊。今日我和阿羅又在地神(即邱邱,今日我先知這個名稱,開頭時,我唔知點解叫佢地神ga,後來阿羅先話比我知,地神嘅意思,因為佢地理好叻)那學到一d閱讀地圖嘅技巧。青蕉和碧琦兩個在4點幾就好似上了9樓溫,話唔想嘈著我地,話溫中史要爭論ga喎。而阿羅就在5點幾就走人了,話佢要搵佢阿媽食飯喎。我就在6點果時走人,因為圖書館6點要關門,而邱邱就好似上去搵青蕉佢地。今日英好似要番嚟補課(好似係補物理)。今日放學之後(正常時間4點),原來有歌唱比賽(初賽),阿羅話比我知ga(因為佢落左去睇)。走人時,我直接搭車去街市買送,又用左50幾紋la。番到屋企雖然見唔到人,但我哥今日唔使番工,在房裡訓覺。佢每次一出房就會同我搶電腦玩,話雖然係話玩,但佢係一路玩佢手上嘅PSP,一路就睇PPS裡的戲,都唔知佢睇/玩得邊樣野。當我去信箱睇有冇信果時,見到有兩封信,其中一封係學校要我地寫比家長嘅信叫家書。

唉，好耐冇上過這個日記網了，由於近來我開了個xanga，唸好唔好將這個網裡的日記轉移過去，關了這個網，但唸吓唸吓又覺得唔捨得，唸吓好唔好兩個網都一齊打好，但我又覺得麻煩，唉！

我今日去了天后攞印好了的卷，今日都好鬼死熱，出去一陣咋ma，就已經成身汗了，去完之後，我就去了街市買送了。這樣我又過了這無聊的一天了。

今日過得嫻無聊ar，我起床不久，就去煲紅豆沙，煲完之後，嚐嚐點知唔夠甜，於是就再加條片糖，它溶了之後，再嚐嚐，我又覺

得太甜，諗吓諗吓，記得媽咪話想煲排骨粥食，於是就倒煲裡的紅豆沙去另一個煲，先再去煲粥，粥煲緊時我就一路玩電腦，差d

唔記得左煲緊野，好彩係煲粥咋，唔係d野燒焦都有份。

放學之後，回家換好衫，到８點幾了，穎仲未打電話比我，果時已經差不多煮好飯了（淨飯），佢打比我時我正在切緊節瓜，只好

叫佢等等，今次又好似上年咁，當我要出去時，媽咪碰啱番黎，叫我咁夜唔好出去，我話我已經約咗人la ma，咁我就出咗去了，

去到時穎仲未到，佢又約咗英在地鐵站旁的麥當奴等，我地都未食飯所以就在那買麥當奴餐到鳳姐家食了，英又好似約咗國產在那

等，要等齊人先可以行。我地去到時，鳳姐仲未番（佢同佢男友去睇電影），係佢細妹開門比我地入去嘅，佢阿爸已經sleep了，

而佢阿媽仲未放工，我地只好入鳳姐佢地間房玩麻雀了，開始時我地係偷偷摸摸､細細地聲咁玩嘅，而且大家好似初哥咁，好混亂

，而我就更加之似初哥，佢地不久之玩過，都仍有些記憶，我雖然ｎ年前碰過一次之後，都冇碰過了。到不久後，鳳姐終於番黎

la，佢一番黎就知道我地玩錯了，原來鳳姐係高手來的，差不多局局都win，而佢個男朋友原來我識ga，佢以前參加過交安，不過

佢已經畢業了。11､12點＋２同欣先黎到，一間房咁就已經逼了７､８個人了，之後我玩麻雀太失敗了，就轉玩牌，鳳姐也一樣

得心應手，到１､２點達叔共３人加入，變咗女仔３個虛，男仔一個虛，到了２點幾穎和國產佢地就回家了，而鳳姐已經訓著了，

而其他人已經開始睏了，而達叔佢地就去了網吧，之後我地都已經開始成群人走了。今晚個月亮都幾圓幾靚。

今日冇咩事發生，在第５堂果時，有走火警，跟著就係週會，一開始不久我就頂唔順就訓了，但又訓我唔好扭扭捏捏的，訓著左又

驚阿sir發現罰我，當黃sir話要留低果d訓覺､傾唔停､掛著玩嘅人，果時我幾驚佢會叫我嘅名，不過好彩冇叫到。今日英冇番到

學ar，我帶左漫畫比佢，白拿了，唔知佢咩事呢？+2佢今日唔舒服ar，佢話佢之前發過燒，今日在禮堂上週會時，在廁所裡嘔了，

睇個樣睇落去好唔‘店’，嘴唇都白哂，體溫仲有少少高天，希望佢第二日冇事la。

我今日提早了一班車番學，上了車不久我就小憩到車上了金文泰的那段路時，架車就停擠不前了，聽車上的人話前面有車出了問

題，過了一陣，我睇錶已經去到７個字了，我驚會遲到，於是決定落車行上去，當我行長命斜一小段時，架有問題的２７竟行得番

，當時真係激鬼死我，佢好死唔死到我落車行到來那時先行得番，我又唔可以搭番，所以我只好繼續行果條長命斜，行到一半時，

我已經在氣喘了，但行到一半又唔可以停低，只好用意志命令自己對腳行上去，我諗我第日對腳一定會酸痛，因為我對腳已經去到

有些舉步為艱的地步了，我當時諗馮sir和Miss Lam日日係點行上去ga，我氣喘到個喉嚨乾哂，我當時不斷鼓勵自己，仲有３段､

２段，就來到了，行到平路時，對腳適應平路有些薑硬，到了學校門口，第二個長命樓層來了，但當我行上去時，唔知點解反而係

有些輕鬆，冇之前番學上去時咁喘了，可能係剛剛行完長命斜的關係吧！我番到課室時，流好多汗係正常的，但我仲有些精神恍惚

的，感覺好唔舒服，到打鐘時，有早會，又要行落３樓，早會完了，又要行６層番上課室，今日根本係對腳的最大折磨，唔知明天

對腳會痛到點呢？想不到了......

愛情的條件：

如果硬要把兩個人擁有的條件，都拿出來放在天秤上看看是否對等，這使稱不上是愛，因為愛從來都不可收支平衡，愛是無條件的。

今日我冇咩特別嘢發生，只係去圖書館借書還書，跟著我就諗著去屈臣士交上網費，我去到見到有張紙寫著佢地間店做緊調整，

和記交費的客戶要到其他分行交，我住的那區得果一間屈臣士，我諗吓諗吓先諗到要交費的話最近的屈臣士在另一區，要行幾個字

先會到，由於我遲交我驚如果再唔交嘅話，佢會cut了上網線路，咁就麻煩了，所以只好行去那交了。

今日電腦終於整番好了，我成個暑假都冇得玩電腦，悶到發慌ar，個電腦又係嘅，好壞唔壞竟然係放暑假佢先黎壞，搞到我做唔到

地理嘅小測，咁就冇咗幾分了，好唔底ar！

放咗成個幾月暑假，今日終於要開學了，有些興奮又有些緊張，暑假放慣了，搞到琴晚訓唔著，今次我要上的課室在９樓，一諗到

以後在唔知幾樓行番上９樓就覺得慘了。在４樓門口行番上９樓都要５層，我已經有上氣喘了，如果在G樓行番上９樓，拿人命都

得了。

我和+2今日約了一齊去柴灣的健康檢查中心檢查身體，在那我地見到呂､青椒､士多啤梨佢地。檢查完之後，我的身體狀況

是正常的，只不過我身高冇高到，體重比之前輕了，視力比之前弱了點點，總括來說是一切外在都正常的，唔知內在正唔正常，因

為那裡唔係做內裡檢查的。檢查完後，我､+2和青椒一齊去吉野家食lunch，而士多啤梨佢地就去唱k。