今日就考卷一和卷二(閱讀理解和作文)。閱讀理解好難ar，今次考嘅方式同我地平時測驗考試嘅方式完全唔同，佢竟然出填充和選方格剔嘅方法去考我地，個個選擇都好似對的樣子，根本就超難選擇，佢想玩死人咩；而作文我就選左第２題去作，而且寫得好順吓，作左成七八百字，文筆流唔流暢我就唔知，但係我覺得我寫果時嘅心情寫得好舒服，而且我仲有時間去複檢天，複檢之後，我先知我有幾隻字寫錯左，好彩我有再睇多次啫，唔係嘅話會比佢扣分。

今日開始要會考了，而我考的第一科係地理科，而且仲係番自己嘅學校考天(梁麗寶､Kammy､余良､朱偉傑､梁啟宏都係同我一樣在同一個地方考)。我好希望時間可以倒流，咁我就可以用多d時間做我識做嘅果兩題(5､6題)，而唔係浪費時間去做我唔係好識做嘅甲部必答題，搞到我第６題冇做到，咁就衰左la，ar!好想去搶番份卷做番ar。我都唔明點解我會咁蠢，寧願浪費d時間去做我唔識做嘅題目，都唔去做我識做嘅題目！我唸我唔合格都有份la!點算ar!

今日我又番學溫書，我番到去時，竟見到番咁多日學溫書都唔見到嘅彭港和同雷雪萍(佢地係男女朋友來的)，可能係因為星期三佢地就要物理考試了的原因，所以就番嚟溫書吧。Lunch時，我就同阿羅､莊泳軍等人去左倫雋園食飯，之後走時碰見文俊，於是我地就跟著佢落去一樓，講關於阿羅嘅作文和閱讀理解。之後同想去禮堂睇常識問答比賽，但就叫左Miss余出嚟，變左去左地理室問問題。之後我地就番下去圖書館溫書，不過過左一陣之後我地就走人了。

今日我冇去到教會ar，因為寶姐姐叫我做嘅功課我仲未做，唔好意思去。3點幾我就去了圖書館還書，之後去左二手店睇吓有咩新嘅卡通碟買，但搵唔到有，不過那間店播緊嘅IQ博士吸引了我，我睇左一陣之後，覺得好好笑，我自己多數行街都係面無表情咁逛，但佢令我微笑著咁行左半程路，之後我就去了裕記和華潤買今晚要煮嘅食物。之後番去屋企時，樓下擺了攤位，係展示關於奧運嘅野，我見到幾個奧運娃娃在展示，於是我就用手機拍了下來了。

今日我終於去北角買左收音機了，我係同肥之一齊去買嘅，而且仲係冒著大雨(今日三號颱風信號ar!)，我一出門口去到地鐵站搭地鐵時，條褲的褲腳已經濕了一半了，去那間店門口先知原來佢講果間店係一間雜貨店嚟ga，而且係一間小店。買緊果時，陳盈盈打電話比肥之，之後就一直同佢傾電話，佢地傾嘅內容我就唔係好清楚la，但有一樣野我就覺得唔係好開心了，其實我係好唔鐘意人地同我一齊果時，人地攞住個電話同別人傾，而且係傾好耐果隻，傾一會兒唔緊要，但傾好耐我就好似自己一個人在街上行，冇同伴同行咁，好似比人丟低咁，雖然我係一個冇話題講嘅，悶蛋一個，要人地講話題，我先有野講嘅人，但丟下我在身旁與別人傾電話，這感覺其實都幾難受吓ga!之後佢就去了補習。之後我就上華潤買飲品，之後就去買麥記食(這當然係我哥比錢la，而且佢都有份!)。

今日我比平時早了少許番學校，今日係我番學校溫書咁耐，笑得最開心嘅一日，而且係過得最充實的，在數學中學到好多野，今次要多謝哂大佬(鄒訓源，余碧琦佢地係咁叫佢嘅)，今次亦都係做數做到唔捨得走嘅一日，而且又有財政在旁搞笑。今日我地成班人(鄒訓源､+2､財政和我)一齊行落山，行到落山腰時，剛好撞到英，佢剛好補完物理，約了人(唔知約左邊個呢?)，之後我地行到落山腳就分道揚彪了。^^

今日我又番學校溫書了，不過番學校之前我要去我樓下6樓交租先，因為我媽咪太忙了，冇時間去交租，我唔使番學時，佢又唔記我比錢我去交，所以拖到今日先去交。我差唔多去到車站時，架車已經到站了，到我去到車站時，佢已經開走了，等佢又要幾個字先再有一架。今日我本來要溫中史ga，不過最後比阿羅引誘，變左做數學pastpaper，做左一份之後，阿羅話落去揾阿sir，於是就落左去四樓，做吓做吓先發現我數學真係好唔掂ga，做幾題就有兩三題唔識做，而阿羅問阿sir問題之後成日都話好驚，我都唔明有咩好驚嘅。阿sir唔得閑要去上班主任堂，於是我地就番上去7樓，借了電腦睇吓阿sir有冇upload D pastpaper上去，個電腦係全世界load得最快嘅電腦，可以等幾個字都唔見佢出現個網嘅，係咪好快呢？而阿羅就去睇佢嘅小林姐姐嘅日記網，而且仲好興奮咁介紹比我天，而我就冇咩興趣了。我地登出左電腦之後就離開了學校了，但我出到去時先記番起我仲未print數學答案出嚟，而阿羅原來記得ga，但由於佢話明天可能會唔番，所以就陪我番學校去一樓print了，我地就print左成百幾張紙出嚟，出到學校門口時，比蔡sir叫住，訓了一頓話。之後阿羅就去完成佢今日嘅計劃，逛尖沙咀和銅鑼灣，而我同肥之話今日一齊去買收音機，最後都係取消了。

我買完送之後就了附近嘅書局睇吓有冇"最後一分鐘"買，佢話冇中文版，得英文版喎,番到樓下搭升降機果時我比一個婆婆讚ar，佢話現在d細路好少放學之後仲會買送番屋企，煮定比佢地食佢地都唔食。我聽到這那句話其實有d開心，但我冇表現到出嚟。阿羅剛剛仲好興奮咁打電話比我，話佢這次的行程有多興奮天。^^

今日我12點幾到番到學校，+2已在背緊中史中了，在圖書館溫左冇幾耐之後，覺得在那背出口的話，有失圖書館嘅寧靜，所以我就上左九樓背了，財政和鄒訓源也在那，財政話我琴日寫在黑板上嘅野讚喎，話有d我寫嘅野佢地中六先學喎，其實果d野中四已學了，我就咁同佢講了，之後財政仲同我講鬼天，有個故事我記得較清楚，佢問我記唔記得地理嘅洪水橋，佢洪水橋係個'紅'字喎，果時日本仔打吓打吓就打到去了洪水橋附近，那附近有居民在住，於是就走到去橋底避難，但居民手上有隻雞，隻雞一叫，日本人發現了，於是就將佢地殺哂，條河就變成紅色了，變成血河，其實佢講到一半我已經猜到了之後嘅情節了。我一路在黑板上半書，佢一路講個班房有鬼，之後佢地話要落去圖書館溫書，而財政連走時都在嚇我，於是我咪拉住佢唔比佢走囉，在門口見到波波在睇風景。佢地走左之後，我就坐下來溫書，之後就用電話聽歌，不久後我見個課室實在太靜了，於是就走番落圖書館溫，+2調了位，同莊泳軍坐，而財政佢地就去左問Miss地理，+2話比我知嘅。之後冇幾耐我､青蕉和+2去四樓搵Miss背中史，問完後，+2話冇心機溫路喎，所以我地就走了。我又去街市買送了，肥之就約了我在地鐵站還番d pastpaper比佢，但係都唔見佢，我又攞住d送，很重的，於是就走人了，番到屋企幾個字後，佢打電話比我問我搭咩車來，果時我先知佢原來仲未嚟，佢叫我落去車站等佢，我咪叫佢到左先打比我。我住左在這已經幾年了，其實我仲唔係好知附近的街名叫咩。見到佢之後，我就問佢幾時去買收音機，於是佢就帶我去商場逛了一圈，但又些貴，於是佢就叫我明天在北角睇吓，佢話在那買會便d喎，我咪答應了。

今日番左教會,因為我約左寶姐姐2:15補會計,但我早上6點幾先訓覺，所以宴起了。起床不久,我哥就出了房問我去唔去買麥記食,佢請我當然冇問題ga la,食完後我連杯可樂都未飲就去了。之前我約了李嘉儀一齊去補ga,今日打比佢,都冇人聽電話，所以咁就比人飛鴿子了。去到時,佢地先至開始分享,見到咁嘅情況，其實我有d想走人ga,但又唔好意思咁做,所以只好一齊同佢地聽la,但我聽左一陣之後，我就有些睡意了，訓醒之後，分享都仲未完，我果時唸下次要遲d先嚟好了，台上嘅人分享完後就有幾個人同我講野問好，叫我會考時要加油努力，其實我都幾維意佢地ga，但我真係對耶穌嘅事冇咩興趣，所以已經好耐冇嚟過這裡了，好似差唔多成年都冇嚟la，到今日先再次來。今日寶姐姐教我關於股票的課題，可能我愚鈍吧，開始時我都唔係好明佢講d咩，但佢仍然好細心咁教我，令我明白這一個課題講d咩，由於今日佢要同我姑姐一齊去醫院探我麻麻，所以要早走，Ken哥哥話我瘦左喎，因為實在太耐冇嚟了，所以可以比較得到我比以前瘦了。

琴晚我煲碟煲到今朝12點幾先上床訓覺，3點到蔡穎思打電話比我，話攞地理pastpaper，果時佢問我係唔係訓緊覺，我就立刻反應話唔係，可能係我琴日話過我今日會借比佢，所以我就直覺咁答話唔係吧，我攞左比佢之後，就去了華潤買了菜(介蘭苗)，因為我哥佢鐘意食。番到屋企之後不久，我哥就叫我去買麥記，佢話佢有d頭暈喎，而屋企又冇白花油，所以我就順便去萬寧買了。食完麥記之後不久，佢就出街了，所以又只剩自己在家了。後來我就一邊聽歌一邊唱歌，唱到喉嚨都沙哂，但我發現了一件事，我...好似要變聲了，變高音了很多，我懷疑我近這一兩天喉嚨唔舒服都係因為這個原因。

我的暗瘡已經出現在我的額頭成2､3個星期了，但仲未消失，之前英介紹比我的爽膚水，已經對我暗瘡沒有用了，可能佢太刺激了，我的皮膚唔係好受得，所以愈茶愈多的樣子，停用之後反而有些好了嘅跡象，雖然有好的跡象，但過了咁多個星期都係唔見佢地消失哂，唔知我的皮膚係唔係唔適合茶護膚品呢，我之前冇茶護膚品，那地方仲好好地ga，開始茶護膚品在那地方之後，就開始有暗瘡的出現了，係唔係好奇怪ar？我都唔明白點解會咁嘅，人怪連皮膚都怪過人嘅，唉！都唔知佢幾時好，有點擔心啊！