5月要駛好多錢!!原因母親節、媽味生日同大家姐生日。所以要準備3份禮物，母親節同媽咻生日我都係比錢了事。比左幾多就唔講啦....總知都佔我收入都幾多雖然我都覺得自己無咩心思。不過我真係唔識買女仔野。至於大家姐果份。我今日都買左啦...本應今日下午唸住去超級市場行下，點知經過一間買迪士尼精品的鋪頭。結果就出事啦本應唸住用$100以下買禮物因為其實真係無咩錢駛，我上年都無送生日禮物比大家姐，結果比個售貨員遊說我買左第一樣野之後佢繼續發功，叫我買夠$250有抽獎。我一向對d熱情如火的售貨員都招架唔住!!結果我一一應承了。唉....唯有今個月要進一步節衣縮食啦....因為張學友演唱會可能就快公開發售。我應承左我爸爸請佢睇$400飛當係父親節禮物，所以我要預留$800買飛啦...
|
