琴日下午突然間凍左咁多得返12度，我睇左天氣報告明明話14-17度，所以無著羽絨真係凍到我連字都差d寫唔到呀!!跟住我爸爸返左黎公司，問我今晚打邊爐好唔好??其實都唔駛問我啦!!我最鍾意打邊爐，就算夏天都會哈哈...我放工行去巴士站見到琇多人，因為今日公司附近有人搞什麼千人宴剛隆散場，搞到成個巴士站有百幾人等車，最慘仲要無車黎好啦等到有車黎又係滿座。終於我都上到車返屋企就同爸爸打邊爐，得我地兩個食雖然款式唔算多有肥牛、羊內片、雞、豬肉丸同菜等等...但係已經食到我好飽啦...希望可以多d係屋企打邊爐啦!!

 今年聖誕節去左大家姐的新居慶祝，間屋真係好大呀，因為係政府宿舍。我覺得一家人一齊慶祝真係幾開心呀。一齊打WII玩得好開心呀!!仲有聖誕大餐食有火雞、牛排、沙拉、意粉等等全部都好好味呀!!食飽仲有得抽獎呀...點知我抽返自己果份，之後換左隻雞腿形公仔。之後仲有現金獎抽，我只係抽到$20哈哈...不過今年聖誕過得好開心呀...至少無病又無跌手機先啦...

 今日我去完上水返屋企，點知返到門口竟然開唔鐵閘，禁鐘又無人應打電話返屋企又無人聽都唔知點算好。打比我阿媽佢叫我去管理處搵人幫手，點知黎到都做唔到D咩。我唸住打比家姐睇下佢係邊，點知佢話係青衣我問佢你係青衣邊度??我返唔到屋企呀。點知佢話係屋企，原來佢鎖左入面個防盜，跟住走左去訓覺搞到我虛驚一場。

10月20日約左裝寬頻個師父係幾準時，不過服務態度就差D啦!!佢黎到比我電話個主位係邊...我話係個櫃後面...跟住佢話移唔開個櫃就唔幫我裝...仲話約過第二日喎於是我好辛苦移開左個櫃...裝好寬頻電視...上網又整極都上唔到...佢話我部機有毒問我有無多一部電腦...我話無...佢就話下午拿部手提電腦再上黎整...好啦...到佢自己拿左部手提電腦上黎...都係上唔到...即係唔係我郭電腦有問題啦...

整好上網又輪到寬頻電視有問題...睇睇下果衛視電影台...突然睇唔到...其他就睇到...之後我就打電話去問...佢話我係揀左137台唔係139台我話我張申請表都係揀139台喎...佢話我唔理..哇咩叫我唔理...咩態度呀...仲係度話我今次就幫你轉...無得再轉...喂大姐呀...明明係你理公司搞錯野喎...好似講到係我錯咁...D服務態度真係好差....

 昨天我去銀行排隊拿錢，排到我果時我就將提款卡插入提款機，點知插植都無反應原來我前果個人禁唔記得拿d錢走，可惜我太遲先發現果個人已經走左。其實果一刻我想將d錢拿左去自己用，不過我都無拿到，結果我將d錢比返銀行，我唸銀行有記錄應該知道d錢係邊個掛，希望果個人可以拿返d錢啦!!!