星期六約左朋友去睇C+偵探。點解會睇??係因為申請左K分卡咁耐都未用過，所以就用左1200分黎換左兩左飛。講下套戲啦...我覺得都好好睇呀...劇情相當緊湊。其實我換飛之前唔知LEE套係咩劇種...起初只係想支持城城...後來先知道係劇情懸疑片真係唔想入場。再聽人地講彭氏兄弟專拍鬼片....點知真係用D鬼片情節...睇完之後仲係度毛管勳左好耐啦...不過智叔真係做得幾好...我覺得佢係成套做得最好。都值得一看呀!!睇完戲之後仲去睇波曼城對紐卡素...好好睇呀...仲入左球世界波...我仲飲左2支啤當然係細支啦...我已經變左酒鬼一名哈哈...真係好開心呀!!

 我有新電腦用啦!!舊果部因為壞壞地...好多野都用唔到...所以有需要換。今日等左成日個師父遲左好多先上黎裝機，整左一大輪終於裝好。跟住我就自己慢慢摸索下，發覺真係唔係好識用。因為已經唔係window xp啦...最慘就係以前d 電腦遊戲好多玩唔到，連我最鍾意玩果隻教父都玩唔到，激死人啦!!最慘就係部機入面竟然搵唔到燒碟程式。無得燒碟都唔知點算好啦....

 點解我會著西裝??因為是我大家姐的大喜日子，就係大家姐結婚呀。八月四日一早就起身，其實我咩都唔駰做只係坐埋一邊發呆，什麼也幫不到見到個個人都非常忙碌自己就咩都唔駛做真係好慚愧。經過大半日接新娘、去姐夫屋企同去教堂行禮。我其實我都未換西裝，因為怕朝早天氣太熱所以夜晚才換上這套西裝。大家覺得我形唔形仔呀??

 7月21日係我生日，果日一收工就去左書展，哇勁多人雖然我覺得今年為左唔好等d人迫埋一齊每個展館都好似相隔好遠，真係行死我呀!!!行完書展示原本唸住返屋企訓一陣，點知我媽咪個同事叫我一齊去食自助餐，結果無得訓就搭地鐵去荃灣食到十點鐘。之後我約左朋友去旺角唱k，一唱就唱到6:00跟住就搭頭班44號巴士返屋企。而我d屋企人就星期日同左我去打邊爐同食蛋糕都幾開心呀!!我家姐仲送左部I-POD比我不過我就唔係幾識用啦....我LEE個生日真係過得幾開心呀!!

 大家千萬不要光顧葵芳葵涌廣場近大家樂的報紙檔。今日我唸住去買本雜誌，因為今期yes有海布送。點知唔係本本都有，我行到去間報紙檔已經聽報紙檔果個女人係度鬧緊d細路。叫d小朋友唔好摸d雜誌。跟住我就埋去睇下本yes有無海布送，嘍住佢問我要咩我就問yes有無海布送。跟住佢用d勁差態度同我講你拿$12出黎咪有我比完錢佢仲要用掘住我，如果唔係幫人買我一定唔要。果$12駛唔駛咁，祝佢早日關門大吉。