今朝起身喉嚨痛到飛起，於是我返左公司放低d野，就搭車入屯門睇醫生。點解我要去咁遠??因為個醫生夾我囉，同埋個醫生收得平，為左省錢所以先去屯明睇。我一去都診所見到勁多人，足足等左個半鐘先輪到我睇。走果時唸住搭58M返公司點知搵唔到個巴士站。記得我上次黎睇醫生，因為我要搵洗手間亂咁行反而搵到個站。今次行極都搵唔到，結果走左去搭60M去荃灣搭地鐵返公司。

 lee個月本來窮到死，唸住非必要都唔會消費，點知突然間有人約我唱k...佢話佢今日收早問我得唔得。本來我唔想應承，不過佢好難先有得間的日子。結果我就速速入左沙田同佢地會合。點知去到一睇要$108一個人比平時貴左d，因為係假期前夕關係。無計啦去到唔同唔唱咩。唔知係唔係我而家少練歌??我覺得自己唱歌好似差過以前，我讀書時期日日都聽歌，順便跟住唱練埋唱歌。做野一日都聽歌聽唔到半個鐘楩係差啦...唔知點解而家我k只會唱舊歌好少唱新歌??其實因為我覺得d新歌好難唱，我次次唱都琇甩嘴。今次唱k都幾開心呀....希望下次我狀態會好d啦!!

4月15日同朋友去左海洋公園。我地一去到就去左兒童王國行，見到周圍都無咩人，可能d人去左扑機勳遊戲掛。之後我地去玩動感影院一樣係無咩人。我記得我上次玩果時仲好驚呀!!今次就一d都唔驚。跟住我地搭纜車上山座過摩天塔同去左好多海洋館參觀不過排得最耐係水母館真係好受歡迎呀!!其實我覺得海洋公園都幾好玩，係個午餐差d服務態度又麻麻地。上完飯行左一陣就去玩左一次過山車係玩新d果個越礦飛車，因為舊果款會撞到腰骨好痛呀!!玩完之後行埋動物村就結束今次行程。不過已經玩到好累呀!!