今日account衰左, 不過大家放心, 我傷心完, 唔會氣餒ga喎~

至於d衰人, 我一早都預左, 咁知道真相點都會有d唔開心ge, 以後點對佢, 睇心情la, 思敏講得o岩, 唔需要一個答案ge, 唔好沉淪o係悲傷之中, 唔值得, 況且都扔下咁多年, 傷心一陣夠lu...呢個世界仲有好多人比我不幸, 聽1e話, 唔好俾人睇死, 要"強"俾人睇!! 阿邪都o岩, 後生o既時候俾人扼, 好過大左先俾人扼, 仲有時間改過, 第日唔好再俾人扼就得喇...

今日開心就真, 肯定左一班朋友o既地位, 成日都以為只有自己會長大, 其實身邊o既都係成年人喇, 唔再係以前幼稚的一群。多謝你地咁鼓勵我, 多謝你地當我係朋友, 你地比我以前o既同學好得多, 你地話會陪我ga, 唔准反口!! 多謝你地呀~1e, 嘉妍, 阿金, 阿田, 阿邪, 海業...仲有Dick Dick哥哥呢~ 好開心阿田錫左我兩啖, 阿邪請我食雪糕, dick dick哥哥話星期六請我食糖^^

o係呢兩年識到班咁好o既朋友, 仲有咩好怨呢? 無論A-level 係點, 呢兩年都真係會好開心...學識唔再猜度人, 要嘗試做朋友, 總會找到志同道合的一位~好似我同1e咁...日本愛好者~

女人唔係弱者, 我地一定強過班男人ga!!!!