| «‹ August 2025 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2008 年 12 月 7 日 星期日  |
| 2008-12-07 |
分類: 未分類 |
終於考完日文喇, 衰大意.... 仲錯埋d好白痴o既野, 咁就有左十分... 想做全班最高分一定冇可能喇... 點解我d listening咁差ga, 救命呀, 考第二次la, 可唔可以進步多d呀?? 呢一年我唔係白過ga!!! 希望會有個意想不到o既好成績la.... 我以後會記住借同貸呢兩個字ga!!!
開始放假喇, 考埋試就sem2, 時間過得好快, 呢一兩個月真係好忙, 突然覺得做野好過讀書, 至少一日完左就真係完左, 唔使帶埋d野番屋企, 不過都要睇下做咩ge... 依家個市咁差, 出o黎都唔知有冇工做, 好想去旅行呀, 但呢個時勢花錢去旅行會唔會好過份呢? 但我總係任性... 所以caleb係冇缺點ga, 因為我都係任性o既一份子, 至少有一刻開心ge....
|
| 2008 年 11 月 25 日 星期二 |
| 2008-11-25 |
分類: 未分類 |
總覺得我o既人生冇幾多日係幸運ge, 從來錫我o既人都只有男仔, 冇乜女仔朋友, 連老師都冇乜幾個係會鍾意我, 係咪我太有問題? 我都唔想剩係得男仔同我去街, 但個個女仔朋友有男朋友又唔會點理我, 女仔o岩玩o既又冇乜幾個, 我d性格又成個男仔咁喎, 一係我做TB lor, 咁可能會另對方有安全感d.... 從來都知自己冇能力俾對方安全感, 我又冇可能做到將愛情放o係第一, 每個人都有唔同經歷呀, 因為過去令我唔敢太似一個女仔, 因為過去我唔想將愛情放第一, 本身自己又唔鍾意一大班人咁出街, 我仲可以做到d咩? 我都明白冇男朋友會鍾意自己女朋友同第二個男仔單獨出去, 或者我唔適合拍拖, 唔識做人女朋友, 或者到適婚年齡, 拍幾個月就即刻結婚會好d, 我諗家庭對我會重要d, 同埋到時會俾到對方多d安全感.... |
| 2008 年 10 月 16 日 星期四 |
| 好想日日都放假!!! |
分類: 未分類 |
呢排都幾充實, 做過好多野咁: 同阿禧去頭髮、去798食lunch, 同babe經落馬洲番大陸, 去揼骨仲勁豪咁o係入面食飯過夜, 佢打完波去接佢, 同阿禧、wallace去沙田食大排檔, 同屋企人去唱k仲有勁多海鮮食, 同babe去睇金瓶梅(原來係笑片), 同ming sir兩條友去飲野, 同wei wei食宵夜.... 好耐冇寫日記喇~!!!
尋日放假, 之前o個晚同babe同佢o既同事唱k, 唱到5點, 好眼訓lor! 第二日本來話十二點同佢daddy飲茶, 但我地邊有可能起到身鴉.... 一點起身, 兩點出門口, 兩點幾先飲到茶~ 去左稻香, 之前同chan man有唔好o既經歷, 本來唔想去ga喇, 但佢daddy想去, 是旦la... 好似又食滯左, 冇乜胃口, 食少少就好飽咁, babe都係咁, 可能病左?? 我地要好好注意身體喇.... 之後去左睇洗衣機, 行完愉景再行荃新天地, 幾靚喎, 又唔太多人, gd gd gd~ 又行車展, 又睇衫睇鞋, 咁樣放假真係幾relax~ 有時行下街買下衫都幾開心, 一人一條牛仔褲, 著得好靚ga^^ 買唔到其他野, 唔緊要la, 下次再買過, 間中一次半次咁買野幾好! 夜晚同babe同埋佢daddy食小菜, 幾好食呀, 不過下次要試下o個間打邊爐, 唔知係咪真係好多野食呢? 每次走都好唔捨得, 好想以後都一齊生活, 好想一齊經歷所有野, 差唔多一年喇, 我竟然只係更想日日同佢一齊, 係la, 點解唔會悶呢? 仲發夢見到我有個bb, 好得意ga, 但大個左個招積樣就想打扁佢喇!!!! 希望王子同公主從此快快樂樂咁生活落去~~~~~~
期待下次旅行, 一月可以嗎?? 但首先我要十二月同的哥哥去搵欣姐!! 欣姐你要等我地呀~ |
| 2008 年 9 月 12 日 星期五 |
| luv my babe~ |
分類: 未分類 |
一時就好得閒, 一時就忙到死左... 都唔係話好辛苦ge, 但好充實lor, 都唔錯, 冇乜需要怨呀... 最唔開心就係好少時間可以見我babe~ 前幾日又好即興咁話去沙灘-黃金海岸, 一見到巴士就跳上去, 好好玩, 原來o係沙灘野餐感覺係咁好ga! 食飽就訓著左喇, 一訓醒就天黑, 哈~ 夜晚去左元朗食野, 搵左好耐, 最後都係去金田食, 野食一般la, 最深印象係拳頭咁大o既壽司.... 仲有隔離枱o既情侶.... 好想日日都同babe開心一齊過!!!
|
| 2008 年 8 月 25 日 星期一 |
好悶呀!!!  |
分類: 未分類 |
好耐都冇打日記喇, 點解我會咁懶呢? 定係冇咩值得我寫低?
又番返去做, 其實o個度又冇咩唔好呀, 最緊要易就時間ma, 大家對我都好好, 我應該同大家一齊奮鬥ga! 人少左, 覺得自己好似重要左, 可能係咁覺得仲有存在價值掛.... 每次都搵到份唔錯o既工, 我都有好彩o既一面, 唔應該咁易就放棄呢度ge, 個個都對我好好...
同babe每日都好開心, 經歷愈來愈多, 我唔開心佢陪我捱過, 見佢親戚, 去佢家姐屋企一齊唱k, o係babe唔開心的時候陪住佢.... 其實我真係好想成日可以周圍去, 但香港真係唔知仲有邊度好去喇... 好想去旅行呀, 好想好快就可以去玩, 但babe話最快十二月, 我有得話唔好咩? 就算有錢都未必有時間去la.... 短期內仲有咩目標呢? 日日都好似好悶咁, 一係番工一係hea, 其實人生大部分時間都係咁ga喇, 有時咪溫下日文lor, 人生的意義o係邊呀? 仲有咩我想做呢? 下星期就番學喇, 到時可能我都忙到冇時間諗去邊玩lu~~~ |
1 | 2 | 3 | 4 | 5 | 6 | 7 | 8 | 9 | 10 | ... | 89 | »
|
