4日sick leave... 醫生話腸胃炎喎, 仲好辛苦呀, 個肚好似有舊積木頂住咁, 好痛, 成日想嘔又嘔唔到, 又頭暈, 今日屙左四次喇, 幾時先好番呀? 朕聽日想大魚大肉呀...  多謝babe照顧左我咁多日, 要你擔心對唔住呀... 我會好好照顧自己, 記得食藥同戒口, 星期五希望番到工la, 原來番工都幾開心, 至少我依家會希望番到工~ 尋日番左半日都頂唔順, 又痛又暈, 根本咩都做唔到... 又去睇醫生, 三個醫生喇, 最慘係我好窮ma... 聽日訓醒一定要好番呀!!! 多謝babe個蛋糕, 但我依家食唔到太多, 希望呢一兩日好番我仲可以食, 唔會俾人食哂la....

不得不承認我每日都係番工同拍拖, 有少少時間俾過柔道, 日文, 朋友同屋企人.... 自從十六歲o個年, 我都冇再遇到一個人令我願意為佢付出一切, 我都冇諗過會再有一個咁o既人, 一直只係認為搵一個愛我o既人就可以幸福, 付出的感覺也被遺忘了.... 一開始我冇諗過我會有幾鍾意佢, 但自從一次見佢煮野食, 見佢用英文講電話, 竟然俾佢o既才華深深吸引住, 不能自拔... 我咁大個都未試過好proud of 咁介紹自己男朋友俾身邊o既人識, 從來都唔覺得一齊出街就叫拍拖, 但今日我遇到對的人, 原來每日都可以好似情人節呢句說話係真ga, 我未試過甘願成為一個小女人... 短短三個月, 好似經歷左好多野, 每日都好sweet... 就快情人節, 佢竟然book左位同我食飯, 希望o個日都會開開心心, 好似冇乜試過有人為我去book位食飯.... 好緊張呢~

好耐都冇打過日記, 其實有好多野想記低, 不過冇乜時間.... 唔鍾意咁樣番工, 好難過, 但又唔想你番通宵呢.... 變番幾年前o既自己, 但唔會再容許失敗, 點都捱得過! 三年好快ga咋~~

今日去左ric屋企攪我地kitchen o既聚會, 幾開心ga都~ 有我, june, caleb, kenneth, joseph, ric夫婦, meiki, 昌, 睇人玩wii真係好攪笑呢^^ 阿june變得咁懶點算? 阿嫂原來好細路女, 無論樣同身型, 真係估唔到阿ric鍾意呢類型.... 仲要同結婚相完全兩個人, 兩種感覺呢~ 好幸福o既生活, 我又會幾時有呢?

我找到了....