好耐都冇打日記喇, 連工都冇番差唔多兩個禮拜, 但時間都過得幾快喎, hea下就過, 唔怪得year1咁快就過左la~ 唔想番o個份工係咩原因呢....我自己都唔太清楚, 人o既問題? 環境問題? 是旦la, 就係想走... 但知道人地缺人就想幫手, 但我o既力量幫到d咩鴉, 都走左喇, 咩都唔關我事lu~

生日同左我babe去澳門, 個傻佬死都話要去, 其實去邊都冇所謂, 留o係屋企都冇所謂! o個日點半到去到, 搵唔到君怡架車, 我地就搭威尼斯o個架去到氹仔先算, 上左車先發現原來君怡架車就係我地搵o個度附近, 算la唔緊要. 最後都係搭的士去! 唔知點解佢將我地間房由普通房升到豪華房再升到行政客房, 住最高o個層, quite gd~ check in完後就出去玩la, 第一次食勝利豬扒包, 真係幾好食~ 跟住循例地行左大三巴同附近o既街, 之後望住海o既方向一路行去觀光塔, 又俾我地行到去, 澳門真係好細.... 我地一早book左360餐廳buffet, 食物好一般, 但個氣氛ok, 同r66咪差唔多, 不過望到o既風景有點唔同la~ 食左三個鐘, 好難得可以咁樣食餐飯, 好開心^^ 走o個陣勁大雨, 講都冇人信, 我等左九個字的士, 我竟然會排咁耐隊=.= 冇計la, 真係冇其他車可以搭, 但時間都好快過, 可能有我babe陪我. 番到酒店去左佢個賭場仔玩左陣, 本來贏左千幾蚊, 點知輸番哂, 剩番個本好走喇. 到十二點就收到我babe o既禮物, 佢又會揀到o岩size, 可能係整定ge:) 兩點幾就訓lu~ 第二日走, 去左買少少手信, 應承左阿妹ma, 跟住去漁人碼頭, 澳門我最鍾意o既地方, 又入左巴比倫玩, 呢個地方真係幾邪, 尤其對住門口o個張枱, 成日都開圍骰, 本來都贏少少, 今次要倒輸埋個本, 係我做得唔好, 我o既責任就係拉佢走, 我竟然俾佢再博, 賭真係唔好, 我下次要堅定d, 唔好再貪心, 見好就收!!!! 輸哂就差唔多夠鐘搭船番香港, 最後就係番屋企同屋企人一齊食飯, 佢地好似唔記得我生日咁, 蛋糕都冇, 冇所謂la, 一齊食餐飯就好~ 況且我去澳門兩日都係剩係食野.... 夜晚同左阿鬼阿蛋chan man去唱k, 真係好眼訓, 四點先走, 仲落大雨, 多謝佢地陪我玩呢, 已經好夠lu~~ 多謝babe送禮物俾我, 其實好多時你送o既野第一樣望落去都唔係我鍾意ge, 但往往係我點樣對住都唔厭。可能你比我更了解我自己, 所以我就更加鍾意你呢！ post番d靚相先, 哈~~

       
勝利豬扒包+阿華田   咖喱角+好立克         好好味呀~~

我地上左大三巴後面~

後面有個椰子島!!! 呢件衫仔就係傳說中o既diesel衫~~

行去觀光塔o既途中~

360餐廳, 環境唔錯ga

哈, o岩o岩訓醒呀~

搭船仔番去lu~ 哈, 仲有我份禮物仔^^

日日都好似好忙咁... 番工+陪下babe+放工玩樂, 每日都係得番8個鐘到訓, 仲要係5-1咁lor.... 好唔健康呀~~ 我今晚放工要即刻番屋企!!! 晚晚都食宵夜, 好過份呢... 番工都幾開心, 雖然人事都係複雜, 度度都係咁ga la, 起碼呢度都有d做到朋友~ 前晚一齊唱k+飲酒, 飲到湯, 我都未試過咁, 以後唔好溝酒飲, babe都唔好飲咁多喇~ 跟住babe就送左我番屋企, 佢屋企=.= 我都貓到死左, 是旦la... 第二日胃痛到死, 訓到三點幾先醒到.... 不過o個晚真係玩得好開心呀! 尋晚就純唱k, 氣氛係冇咁好, 但係都幾開心, 好少會同fd出街, 仲要我babe都join, 其實咁樣玩都幾好, 不過又唔使太多ge, 間中係咁就夠喇.... 好想二人世界去食餐飯呀, 好耐都冇去食fine dinning.... 或者等下個月la..... 依家babe日日都放十點幾十一點, 我又成日要番工, 我係咪應該request番少d呢...

尋晚阿sir竟然打俾我, 話問下我近況, 每次有朋友打俾我真係好開心, 但知道阿sir聽日要做手術, 就有點擔心, 佢以後會點呢, 佢o既工作同柔道會受影響嗎? 佢可以放棄柔道嗎? 堅持左廿年, 邊個可以話放低就放低?但至少可以忘記那些傷痛吧! 佢地都冇當係一回事, 點解你仲要咁傻咁停留o係悲痛當中? 我仲可以幫到你d咩?繼承, 我無能為力... 但我會一直支持你~ 

原來wallace今日last day, 同佢傾左陣, 諗番呢年真係過得好快, 仲諗起以前o係HR o個段好難捱o既日子, 俾我再試多次, 我都會覺得難受嗎? 將來大家會點呢? 玩埋呢個暑假再算la^^ 但呢排真係好熱, 咩都唔想做喇~~~~~ 

面對住屋企, 我真係寧願快d結婚, 我對家庭係有一定o既憧憬ga! o係我d朋友之中, 我會唔會係最早結婚o個個呢? 真係話唔定.... 話唔定係wallace, 哈~

星期一第一日番工, 好緊張呀, 仲俾babe攪到我遲到, 食蘿蔔糕... 好彩d人都好nice, eunice好肯教我, 我會努力ga! 番早真好, 冇乜野做, 又有早餐食, 不過依家番十一點都有點難度...

星期二被轉去番夜, 有人番唔到... 好驚呀, 我又未熟, 人又多, heidi都好肯教我, 大家即管吩附我la, 我有時就係怕做錯唔敢去做, 但我會嘗試多d ga喇... 忙完就收工的感覺真好, 但個環境仲陌生呢....

今日我同babe都放假, 好開心, 今日做左勁多野咁, 又陪妹妹去銀行拎卡, 去左沙士亞食curry, 之後買左微波爐, 再去荃灣買「豬豬機」, 然後番屋企食飯, 都八點了, 等埋daddy, 雖然餸唔好, 但好耐未試過一家人食飯, 好開心ga都, 睇陣電視就落supermarket買d野for早餐, 一買就個幾鐘, 真係唔覺喎... 唉, 日日都訓最少十個鐘, 變豬喇, 之前放假太多喇, 個人好懶, 我要努力工作, 好想搵到自己o既目標, 可能我o既目標就係做我babe o既好老婆.... 我幾時變得咁冇大志ga????

last day左喇... 好唔捨得呀~ 不過離開呢個鬼地方點都應該係件好事, 好朋友永遠都係好朋友ma! 最後一日唔係好多人知, 十幾個都有掛... o個日咩都有做過下, 筆餸, 煲湯, 洗雪櫃... 雖然o個日冇farewell, 但大家都family day 都好呀, 我都有我babe陪我^^ 走得低調d好.... 真係講唔出一句拜拜, 最衰係平哥, 攪到我真係忍唔住喊左出o黎, 如果阿ray o係度, 我諗我喊得仲勁.... 第二日阿邦同samuel話唔知我走左, 對唔住呀, 我唔知阿邦知唔知, 同埋我真係講唔出口, 我怕我會喊, samuel我真係唔記得話俾佢聽, 我已經脫離左office人行列, 同佢好似都有d陌生, sorry ar, 咁突然咁走左.... 個病一直都未好過, 我已經成個星期冇食零食, 但仲係咁屙, 希望daddy d藥得la, 佢係我最後希望喇~~~ 如果唔係就真係要戒口.....呢個星期都好忙呀...又要做埋last report, chan man生日, 母親節, 遲d仲要諗番工同番日文o既事, 好多野煩呀~~~~