尋晚又約左ccr055 o既朋友仔出o黎, 今次係for edith 的。成晚o既氣氛好死寂, alvin有咁大影響力咩?? victor同coco出o黎, 希望coco冇亂諗, 同埋佢玩得開心la... catherine又早走, 好彩有shirley陪多我一陣, 係落bar玩左陣先覺得尋晚出去係值得lor!!! 十一點半shirley要走, 趕住同佢媽媽過生日, 得番我、eric、victor、coco, 十二點我地都走lu, 大富翁同大話骰真係爭咁遠?? 係咪我唔識同edith溝通....? eric你太過份喇, 點解你總係唔記得我o既野? 算la...

今日九點半起身番工, 好眼訓lor, 爭d遲到, 最衰班車遲左~!今日好靜, 但ivan真係好攪笑lor! 仲有個低能o既細路, o係店內流連兩小時...

albert: 今日係咪星期六o黎ga? 咁靜ge??
我: 可能唔係喇....
ivan: (查電話的日曆) 今日係星期六呀...
大家都呆左, 點解ivan會咁可愛? 佢仲誤會左我.... 佢聽到我話佢可愛佢怕醜.....太攪笑喇佢.....

多謝你地仲記得我呀~ 嘉浩仲特登打比我, 你終於冇記錯喇! 尋日生日好開心, 同最愛的人過, 去邊都冇所謂, 幾耐都冇所謂喇~~~! 大埔neway都幾靚, 如果平時都咁抵就好喇.... 番到屋企勁眼訓, 今日番九點, 累....

今日番工幾好, 勁多電話, 唔識覆讓球飛, 依家識喇~ 點會咁好彩個客收完線又係我聽番, 仲要投訴左半個鐘, 好彩佢有電話入, 先肯收線, 麻煩左好多位sup呢...有個客好攪笑, 話贏左分d錢俾我, 係就好喇~! 今日有個客竟然純粹搵個人傾下我地d服務, 俾下意見, 勁平和, 如果香港人人都係咁就好喇.... 番工都幾開心鴉, 最緊要幫到人! 收工要趕番屋企陪daddy食飯, 唔可以要佢自己一個ga...! 又俾人扼冇roaster!!!!

講番尋日先... 十點幾allen叫我番工, 朋友叫到我又冇乜特別野做, 咪即刻起身番工lor~ 佢仲俾我七點走! 本來約左唱k, 但本身我都唔太想, 因為前排一星期唱三次, 我呢幾日又好累咁, 點知阿欣同阿婉都唔舒服話唔出o黎, o個刻有點心灰, 不過仲有阿dick, polly, 阿斌, 咁都好好ga喇~ 點知, 番到大埔, 欣姐竟然肯出o黎食飯, 成晚即刻開心哂, 最衰搵唔到婉婉, 我地有兩個蛋糕ma! 食pizza hut, 好耐未食過, 更加冇五個去食, 阿欣同阿dick兩個一齊就攪笑喇^^ 好飽呀... 跟住去polly屋企玩+食蛋糕, 冇理由最後會係咁輸lor!!!!(特別o既玩啤牌方法) 蛋糕好好味, 不過好飽呀, 今日好開心的, 有你地陪住我!! 愛死你地呀^3^

多謝dick哥哥對我不離不棄, 你是最好的!! 欣姐好錫我, 佢唔會俾任何人蝦我, 好愛佢~~

冇o係icq較番個生日日期, 真係少左人sms我, 不過唔緊要, 起碼知道sd俾我o既人會記得我ma~ 有po po, catherine, eric, cherry, allen, 德興, 仲有可愛的邪仔呀!!! 朋友唔使多, 幾個就夠, 我起碼有十個喇, 好幸福呢~

原來我唔想改變, 清楚自己要咩, 對唔住呀~

講番尋晚o既攪笑野先~雖然個唱k太不像樣, 但係一班人總是高興的。之後落pub, 冇辦法, 我以前識埋d阿金阿東, 飲酒是癲的, 點都唔醉, 我就以為係男仔都係咁, 但原來唔係lor... 第一個eric唔掂, alvin係咁話「我冇醉」, victor已經話行唔到直線, 諗住三個女仔最清醒, 但原來shirley係最high o個個, 一上的士就.... 亂講野, 落左車仲亂過馬路, 嚇死人了!!最後我仲扶victor tim, alvin竟然冇送eric, 好彩大家都安全到家, 今朝仲番到工, 好玩, 最愛酒後吐真言呢個環節, 下次應該係victor喇~~~ 不得不提我同shirley去high tea, 好開心呀, 仲有victor o黎包底~~ 超開心的一天 !!!

今日番工幾悶ga, 但受到讚賞, 開心~ 夜晚陪allen食飯, 佢生日仲要佢請, 對唔住呀, 我要努力搵錢先得喇, 多謝你信我, 講咁多野俾我聽, 希望你了解我之後唔會對我印象扣分la~

日日都唔番屋企食飯, 對唔住我的家人呢~~ 聽晚.... 應該會番ge.......

相愛不等於可以相處