| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| 2006 年 1 月 16 日 星期一 |
 | |
| 怱怱之香港行 |
終於都去左香港一趟喇 可以去探下abbe同佢個妹
雖然決定得好突然~但真係一個好決定呀~
因為可以搵下自己d白痴盟友麻~~真係好開心
好耐冇見abbe喇 佢真係瘦左好多
唉..見到都心痛 我諗我都係要想辦法過d肥過去佢度至得~哈~
好彩佢既心情比預期中好~咁我都放心d
喺香港果兩日 講真 去左邊 我真係唔係幾知
好似個白痴兒童咁跟住佢地兩個周圍走..記憶之中好似去左旺角、尖沙咀...
最鍾意既就係同abbe坐船過中環 感覺好舒服 好耐未試過呢種感覺喇 真係想再坐耐d呀
 ~原來我地係有光環架~yeah~
同abbe傾左好多好多 知道左更多野...原來人既感情永遠都係咁複雜 咁無法解釋既...
尋日好早就返澳lu 一來唔知去邊度好 二來如果再留夜d 我真係唔捨得走架喇
估唔到我一擰轉面 鼻頭一酸 就即刻想喊......好彩仲忍得住
原來真係好唔捨得~
如果可以留耐d就好喇......
|
| 刊登時間︰2006-01-16 02:56 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 1 月 14 日 星期六 |
| |
| 5 秒鐘 |
有時候。
停下腳步望著天空。
寂寞就會一下子全部蒸發。
一下子的功夫。
大概才5秒鐘。
就又回來。
但在這5秒鐘。
貓貓從天空破掉的小縫縫。
看人間曾經希望和快樂模糊的樣子。
透光透光的。
有雲從希望中飄過。
快樂的聲音也隱約聽見。
by 凱西 陳 |
| 刊登時間︰2006-01-14 12:16 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 13 日 星期五 |
| |
| 合拼同類項~ |
今日中午同將要合拼既公司的同事食飯聯誼 感覺好古怪
人地係一間marketing公司 而我就唔係一個專業既marketing人
所以好好笑 第日公司合拼左之後 我可能就會變成坐大脾既秘書..haha
另外 阿嫻返埋今日就唔要勒 為左條佬 真係冇得撈都冇所謂...
唉 都唔知話唔話佢傻好~ |
| 刊登時間︰2006-01-13 04:02 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 11 日 星期三 |
| |
自信心沒有了~哈  |
正所謂"美貌與智慧"並重
反之即係"醜陋與愚蠢"並重啦~此人正是我~哈哈~
尋日做完個interview之後 發現完來自己一點墨水沒有
看來平時真是有點過份自信 而家真係化為污有喇....
|
| 刊登時間︰2006-01-11 11:48 AM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 1 月 9 日 星期一 |
 | |
| 開工日 |
尋日係星期日 但偏偏係我既開工日~由下午2點半開始一直搞到11點到有得返屋企
攰到我死下死下~又咩都做唔到 最緊要係今日都要返工...
算啦~鬼叫你窮咩 頂硬上啦~哈~
天日要去華都酒店interview~唔知會點呢
其實唔太想轉工 因為喺度做好似好安穩咁 暫時唔想有咩改變
但咁樣又好似搞到個人冇晒上進心咁....
而且而家呢份工既人工又似乎係低左d 話就适係攞多d經驗
但其實現實就係咁架啦 咩都係錢行先 呢個係改變唔到既事實
我地又可以點做呢 唯有順其自然啦~諗咁多都冇用
|
| 刊登時間︰2006-01-09 02:14 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 6 日 星期五 |
| |
寂靜  |
今天天氣很冷 但我的心更冷
與你在一起那麼久了 好像從沒發你這麼久的脾氣
其實只是很小的事 我也不知道為何會這樣
只是好像很委屈..很難受..
這些感覺都令我不想跟你說話 為何不想? 我自己也不知道
可能是我太任性了吧 又可能是你平時太疼我吧
其實這都是我用來傷害你的藉口 我想是我不對吧
看了你給我的留言後 一直埋藏在眼框的淚水
終於忍不住奪門而出....
原來...沒有你聲音的世界是那麼的寂靜....
沒有了你的疼愛 我的日子真的不知怎樣過....
|
| 刊登時間︰2006-01-06 10:50 AM [ 訪客留言(4) ] [ 編輯日誌 ] [ 分享至FACEBOOK ] |
| 2006 年 1 月 5 日 星期四 |
| |
| 壞心情 |
由中午開始,心情就變得好差
原因又是一個"等"字 如果不能做到 為何偏偏要說可以做到?
有限的時間實在無法與無限的等待作戰了... |
| 刊登時間︰2006-01-05 05:28 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 1 月 4 日 星期三 |
| |
| 夢 |
尋晚發左個好妙既夢
夢裡面見到好多早已遺忘既小學同學及大學才認識的好朋友~
好似一個大旅行團 同好多好多人一齊去旅行
旅行團中有abbe,佢媽媽同沚淘(唔知點解會有佢地份);潘少、曱甴、肥牛同stany,仲有好多好多人~唔記得lu
好似好開心咁 印象最深既係abbe媽媽拋低左沚淘喺隻大漁船度 佢自己就同abbe跳落海游水~
之後隻船仲要差唔多撞埋第二隻船度 abbe母親即刻好似超人咁令到船既航道改變 之後再繼續游水~
我就冇咩做咁去左男生宿舍搵stany 同佢d fd講左一兩句野
咁就醒左lu 完全唔知發生咩事 淨係笑左一下
諗返起 其實喺我既人生中 原來認識過好多人 只係時間令我將似乎已經將佢地逐一遺忘 印象亦漸漸迷糊
好希望真的可以去一之大規模的旅行 召集所有我現在認識及曾經認識過的朋友一起去
重拾不同時期既開心~~重拾更多的友誼~ |
| 刊登時間︰2006-01-04 02:18 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 1 月 3 日 星期二 |
| |
| 個頭痛到爆... |
今日一早起身個頭已經好痛喇, 跟住落黎既痛楚度有增無減, 可能係感親,
又可能係因為呢兩日都瞓得唔太好啦, 瞓之前都枕住向stany發下小脾氣, 都唔知點解會咁, 好似...
好攰咁...
但我真係搵唔到攰既原因
好想大病一場 比自己一個休息的藉口~ |
| 刊登時間︰2006-01-03 02:24 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 1 月 2 日 星期一 |
| |
| 工作日 |
今日毛啦啦要返工,明明係公眾假期黎家麻, 好奇怪,完全冇心機做野,msn又冇人播,好死悶呀!!!!
好彩老闆中午請食飯,都算有返d人性,去左蔡蘭間詠黎園度食,未食之前就已經知既貴又唔好食架喇,不過姑且一試啦,果然..唔太好食,9個人,承惠659元正~~yeah~勁貴,又唔食得多野播~都唔知點解有咁多遊幫襯架,坐無虛席~蔡蘭果然名不虛傳...扼錢果隻!!
今日係--極度無聊日!!!! |
| 刊登時間︰2006-01-02 04:07 PM [ 訪客留言(0) ] [ 編輯日誌 ] [ 分享至FACEBOOK ] |
« | 5 | 6 | 7 | 8 | 9 | 10 | 11 | 12 | 13 | 14 | »
|
