喺完全冇準備,冇計劃既情況之下,我同stany就去左台灣自由行勒~好彩一切都尚算順利,只係好攰好攰,而且台灣d野都幾貴下,所以冇晒錢lu,返黎澳門就要過d窮到燶既日子,不過都唔緊啦,難得一次既旅行~以下就係我懷住複雜心情所去既行程勒,如果大家都想去自由行,可以參考下架~
第一日(2005-12-24)
12:50p.m.澳門--台北2:25p.m.--台北富都大飯店(中山北路二段)--西門町--誠品書店--士林夜士--飯店
酒店一d都唔難搵,喺機場撘巴士就有去飯店既站,實在係太好勒,一切都放心晒~原來住果度係叫婚沙街,所以條街有好多婚沙店架,好靚~check in之後我地至開始計行程,所以揀d就近既地方去啦,所以決定去西門町先,台北既捷運(地下鐵)實在係好方便,你只要識搭捷運就邊度都可以去得到咁滯~一出站就見到人頭湧湧,可能係因為平安夜既關係掛,人實在太多喇,所以都冇咩點睇野,只係一味行同食,d街頭串燒係最好食既,居然有串燒雞皮食,肥到嘔,但正都爆~~行完同食左好多野之後,我地就決定去士林再食過,但搵左好耐都搵唔到,反而搵到間誠品書店,買左3本書~終於係問路之後,到達目的地再食,但又係多人都爆,同埋個肚已經飽到不行了,所以食左份臭豆腐同海鮮鍋就走喇,累到死,幾經辛苦至返到飯店,涼都冇沖就瞓喇.....
第二日(2005-12-25)
中正紀念堂--書店街--淡水--酒店附近
食完早餐之後就去左中正紀念堂,一去到發現D人度大規模咁練法輪工,勁壯觀~之後就行左去書店街,大大小小咩書局都有,但間間賣既都差唔多,睇到眼花埋~跟住就去淡水睇日落,好彩都趕得徹,真係好靚~睇完就出動食野,又係一處食野既地方,印象最深刻係花技丸同牛角包,讚~買左D手信之後走喇,因為實在係太喇...返到飯店攰到連郁都郁唔到,所以決定休息下再到酒店附近行下就算喇,再加上要搵最後一晚要入住既酒店,所以就隨便行下算喇,最後我地居然去左便利店叮左兩個便當返飯店食就算喇,兩日加埋,我地淨返半條人命咋~
第三日(2005-12-26)
九份--酒店--SOGO附近--酒店
一早就搭火車去有悲情城市之稱九份,佢唔喺屬於台北市架,所以要搭火車再轉巴士上去,沿途既風景優美,再加上落住毛毛細雨,感覺真係不錯~但係喺真正去到九份之後,其實真係冇咩特別,同香港赤柱差唔多,只係有色小色,例如阿婆芋丸同魚丸咁~D丸真係超級大粒既,好好味~~好快我地就走LU,但係咁就左我地大半日時間~返去之後就去另一間酒店CHECK IN,之後就去左SOGO同附近行下,行左幾個捷運站~諗住去饒河夜市,點知搵極都搵唔到,最後仲發現原來係喺好遠架,最後只好折回返酒店啦,又係好攰既一日
第四日(2005-12-27)
中山北路--美術館--周圍行--中正機場--澳門(9:50P.M.)
今日係喺台灣既最後一日,得返唔係好多時間,而且又冇咩點計劃到今日既行程,所以都係周圍行下撞下咁啦,撞下撞下就去到美術館,但由於要比錢至可上去睇既關係,所以我地都冇上去睇,只係喺外圍睇下就算喇,之後行下行下就返到去酒店攞返D野搭車去機場LU,就咁我地就結束左台北之旅,真係好唔捨得呀,真係想放多幾日假~我決定好一儲夠錢就要去多次!!
P.S.今次唔係影左好多相,遲少少再補返啦~
 NT150.00
 中正紀念堂~
淡水黃昏~
 九份~
 西門町~
 史諾比捷運卡
|
