今日一起身,隻腳好攰,應該係依幾日打波,都無咩點休息過,但我鍾意依種感覺,咁先有活著既感覺....哈哈

之後要教2點係大角咀,但係我12點先起身,但因為真係太攰,我1點15分先出門口,飛的過去。

我原本係想早ｄ起身穿拍，但係我尋晚成晚都訓唔著，好似有野係我間房咁，唔知點解有咁既感覺，因為我係咁聽到有聲，我部ｘｂｏｘ又係咁自己開機，明明我無掂過部機。

跟著我一合埋眼想訓過陣，又好似見到有個樣咁，之後我又起左身，睇漫畫到天光，７點幾我先訓返，訓到１２點幾。

我係大角咀教一個鐘，教完就去ｑｅ教，但早左到跟著就座左係到打機。夠鐘就上左去教，唉，我都唔知佢地個呀ｓｉｒ想點搞，班女ａ星期４要打比賽，但係得２個人黎練波，哈哈，次次都打天才波，你地勁

班女ａ無人黎都算，但我唔明點解學校禮堂得兩個場，但有３０個人係到練波，＝，＝。。。。。玩我姐，你地又想練到野，但你地咁多人想點練？？

班女仔都算好ｄ比較聽話，但係班男仔，算，我已經放棄左佢地。。。哈哈

教教下波，有個唔知係唔係ｍｉｓｓ既人搵我，佢話有個羽毛球隊既家長搵我，叫我教完波落去搵佢。我想時諗咩事，我以為佢地對我教波既方式有問題，想同我講，我都幾驚下，因為我教咁耐波，係得我呀ｓｉｒ先罵過我。

原來佢地家長係想佢個女跟我練私鐘，哈哈。。。原來係多個新學生，因為佢地都算係名校到讀書，所以我都收貴小小。。。

但問題都係係ＢＯＯＫ場個方面姐，好難ＢＯＯＫ場。

同新學生個家長傾完之後就拿拿林走，因為要趕去教下場。６點係蒲崗村，去座ＶＡＮ仔，點知前面堵車。搞到遲到，雖然唔堵我都會遲。。。。。

同埋６點依個鐘係我幫我呀ＳＩＲ教，但我呀ＳＩＲ佢都遲，因為佢都係其他地方教完先黎。

我６點２０分先到，去到就同佢地練波。佢地都係練一個鐘，所以練完一個鐘，我呀ＳＩＲ就同我去食野，唔知點解，我呀ＳＩＲ今日心情好好，請埋我食飯。

食完飯我地就返返體育館，因為到我練波。。。我練完半個鐘到，就去左同一代表香港青少年出國打比賽既妹妹打波，因為成日都同佢打，所以都打到熟哂。但佢真係好勁，中２就已經同我有得打。。。

練完波我就返左屋企ＬＵ。。。

今日都係平常日子平常過。我鍾意身體咁攰既感覺，覺得自己有Ｄ抖Ｍ，哈哈。。。。