今朝帶左部5d去太古整，趁minolta未close customer service之前，整整部機。費事以後被sony掠水!之後好彩番左屋企等太太出門口，兼瞓左個零鐘。3點幾先至食早餐+下晝(食麵包，但已足夠)，跟住去太太學校。去到學校當然係好清靜啦, 只見到太太的一個同事---candy。同佢談及外評(遲d我太太學校都外評，真係啱!)，叫她不要太過過份擔心，當係自己一個自我檢視便算吧，take it easy, truly!Beatrice係學校畫左一幅我地第一次見到以線條構圖的畫。因為不嬲佢都喜歡係學校將d顏料大pat 大pat pat落畫板溝埋一齊，無任何線條、構圖，所以永無貼堂。我同太太好驚Beatrice唔喜歡用線條表達，學起寫letters就出問題啦!興幸佢原來無聲無息地已經學懂了!感謝神!

去完太太學校，去左朗豪坊13/F食dinner!氣氛好正!有好正嘅音樂!鄭重推介!價錢合理!試左間西班牙餐廳，唔錯!連細食嘅Beatrice都肯食多左，Terrific! Beatrice真係好攪野，攞住人地個水樽形狀餐牌一路彈結他、一路跳起舞來，又再一次吸引到旁人注目!阿女你係得嘅!

之後去左睇相機。Minolta lens無晒!真係 !好彩之前入左貨，若果之後想買，肯定貴，因為被人"炒"ma!

休閒的一天，就這樣過了!