很特別的一天!跟學生司蓓的一家人到南生圍、白泥影日落!他們和我家很相似，都是育有一女。

相約3點15分在東港城出發。途經大欖隧道，嘩!一條畢直到不得了的隧道，要到出口才轉彎的隧道。

第一站，南生圍。途經山背河，很多白鷺!在dchome常見影人像的勝地~~~「南生圍」活現眼前。因之前落了兩場雨，每個人(除左我個女)的褲腳和鞋都沾滿濕泥，但沒有沖淡我們的興致。沿途見到有人垂釣「福壽魚」!無人養，但很大條!wow!到了泥濘滿佈的小路盡頭，到了一間小茶室。在那裡可以垂釣，好容易就釣到一條。但我不敢試，怕自己不能如其他人一樣。在圖中你見到的是一隻將要臨盆的母狗。佢食魚生sashimi架(大驚小怪)!佢吠著條魚不放，差不多2分鐘才開始進食。咬到「sharp、sharp」聲，嘩)識左個係景林嫁入元朗的婦人，很健談(可能因為入面悶啦!)。

第二站，白泥。沿途問路。途經流浮山(又係歡x海鮮酒家)，向小販糾察隊問路，佢話向尖x咀方向走。我地嚟日落，點解同個太陽距離愈來愈遠架。問路人甲，原來就係問小販糾察隊個個路口轉入去就係。哎，個個小販糾察隊唔識路就唔好亂指路啦!經過一條很長、很窄的單程路。途中遇到其他車要讓路，但後生的司機不懂揮手示意「唔該晒」, 真係馮旨......唉!當然司蓓daddy每次都有salute啦!終於到左白泥!個日落真係好靚!朝聖者絡繹不絕!大多係為攝影而來。雖然雲多左d，但最後都拍到幾將自己覺得幾滿意的相，不枉此行!

第三站，元朗民歌餐廳。有人即場演奏，正!生日會可以係呢度攪，三五知紀慶祝幾好架，有埋其他人唱生日歌你聽，正!

最後多謝KK(司蓓DADDY做左一日「柴可夫斯基」，辛苦晒!多謝梁太湊獨生女之道，令我同太太獲益良多!多謝司蓓俾個 口甘 好機會我地RELAX同影相。SALUTE!