全團有23人，不足25人，所以沒有領隊，只有Michael Chan一人擔當導遊及領隊角色。

坐飛機通常在出發前，領隊會在機票上寫明你的坐位編號，讓一家人坐在一起。但Michael卻忘記了!導致在起飛前，大家要分開坐。有點兒混亂。直至閘關上，Michael才出現告知我們每組的坐位安排。連空姐也忍不住說了一聲「領隊失職」!在4個多鐘頭的飛機上看完MIB III, 好正!好SWEET!我覺得呢集最正!國泰D空姐真係好NICE, ICHIBAN!臨著陸時，機長宣佈千葉 成田機場落緊heavy shower, 我仲以為好大雨!好彩，雨粉姐! 但因為英、美的恐怖襲擊，係停機坪足足停左半個小時,飛機才可泊位!真的掃興!

入境倒算很快兼暢順!出閘後要趕往搭coach，已經很晏!好趕呀!

千葉 成田機場 → 新宿 5:28 - 6:30 無塞車! Thank god!但因reserve張枱是6:00-7:00，到達時已經是6:50，所以改至8:30才進食，行街先。

「Michael等埋呀!」佢又係自己行，冇鴨仔團都冇旗仔，冇清楚指引點行，去lu!就去lu!真係要打醒十二分精神!到歌舞技町的心臟，我發覺新宿真係有兩面生活。一面是商業中心，一面是百貨公司、電器城、商店。兩者只是兩條街的距離，但入夜後卻是截然不同。商業中心比我們中環更靜，條街一個人影都沒有，燈火盡滅。但歌舞技町愈夜愈旺。在廣場能夠見到很多年青人，甚至中年人聚集。年紀大的中年人仿佛也受到年青人的影響，隨著廣場播放的音樂起舞!歌舞技町品流複雜，隨處可以見到喝醉的人。獨醉於街頭，比比皆是!

在吃sabusabu時，同桌有由加拿大回流的5歲小男孩，非常活躍。口不停地講英文，Beatrice亦不甘示弱。他喜歡kiss u, hug u, 及講說話「嘖口水」！連Beatrice都high埋！BB有伴啦！

吃過sabusabu，拖著疲累的身驅乘coach到第一間入住的酒店---千葉Green Tower。分到1203房(特別)。上到房，正呀！因為之前友人話東京酒店(business hotel)房很細(因為東京寸金尺土)，有d驚！但現在安心了！

由窗望出去，非常寧靜，因為已經12點啦!好眼瞓!瞓LU!

更多相片

日本旅行小貼士:

●12-17/8 係日本人鬼節(餓幫)，放假7日。日本人會藉呢段時間離開東京回鄉掃墓、旅行或其他。所以非常塞車！去日本旅行，千祈唔好選呢段時間！

●日本酒店雪櫃分三種：a)感應式：拿起罐裝便收錢。飲之前，想清楚！千祈唔好攞飲管係雪櫃飲，因為個罐輕左，一樣感應到而收錢。b)良心式：tick單收錢 c)自助式：出房禁機，雪櫃裡面什麼都沒有！剩擺係到。

●唔見passport，一個星期先走得。所有期間食宿自己俾!所以要好好保管!

●「有料公路」- 係「料金所」俾錢/電子收費，收費作為修築建設之用！