今日同ANGELA、BEATRICE到新蒲崗食午飯時，餐廳啱啱播緊日本盃賽馬(事先聲明：我並非一個馬迷)。大熱門日本馬王「大震撼」沿途都係包尾，同頭馬最多差十一個馬位。我心諗大熱門包尾，萬一最後大熱倒灶，就真係如馬名一樣，大震憾!到入直路時，在騎師策騎下，只靠一條直路，由包尾變第一。最後仲要贏第二2個馬位。

人馬合一，騎師清楚馬王的實力,馬王在騎師的信任下，不負衆望，馬王勝出！就好像老師和學生的關係，若果老師清楚學生的能力，學生一樣可以將自己的潛能發揮出來！但往往學生的惰性浪費了老師的期望！試想像若果日本馬王「大震撼」輸了，最傷心的是馬迷。學生未能發揮潛能，最傷心的是老師和父母！

一時感觸！我哭了(識我的人都知我是一個大喊包)！

如果有興趣想知日本馬王「大震撼」點贏，可以CLICK呢條LINK 第 04 場 (海外)

先選WINDOWS MEDIA PLAYER → 然後click 第 04 場 (海外)

再一次聲明: 我不是馬迷，亦不鼓勵人賭博。我只當這項為一種運動！