今朝好早返到去，慢慢換衫，
落到去已有心理準備好多野做，
本來諗住朝早做哂卡，晏晝去派，點知都係唔得，
尋日阿邊整個些相都唔知去哂邊，問佢又唔記得，
即係又要整過啦，咁整啦，又幾廿萬個電話，
之後solomon又有麻煩野，一黎話d卡個名錯，又話個access錯，
個名個係因為佢俾email我係短寫，我做完卡俾佢一星期後佢先交form,form係長寫，
佢話應該跟form寫長寫，仲話不嬲都係，鬧到我.......(遲成一星期先補form鬼知你長寫咩......)
又話佢地d卡不嬲唔拍得貨lift,點解新卡有，我咪話因為之前電腦update改左d野，
而家改返唔好意思，佢又鬧:咁死得啦，人都錯成咁，電腦又錯，點知幾時拍到幾時拍唔到呀
搞到我都唔講咩好......，唉，無奈，之後車場野又煩啦，個位司徒生成兩個月後先覆我，
發生咩事我都已經唔記得啦，又話想cut車位唔cut車，泊係佢公司其他位，但陳傑又話，
佢公司有五個合約位，四個fixed位，所以如果留車就要加位，但個客又話佢地不嬲都係亂泊，
唉，我都唔知.....仲有we software單大野，終於記得send email，唔該阿恩幫我釋英文！
由於以上事件發生，所以做卡既時間已經無咩，做做下又有新野，咩轉車位呀，term卡呀.....仲有紙飛囉！
紙飛要去車場做，鬼有時間咩，岩岩諗起紙飛要開夾萬做，唔記得小陳放三日假tim,點算......
做做下有人話其實長頭髮應該扎起，佢地個個都話聽日起實施，唔好玩啦，個個都短頭髮就咪出聲啦！
我係唔會扎架，扎左我以後唔洗出街架喇，"離開"又再浮現係我面前............
最後我都係未做哂既！
放工就死氣沈沈咁返去，沖涼果陣阿傑岩岩黎到，之後整歌，打下機，
落去食粥，之後上去諗打機，點知變左傾計，我今次終於頂唔順，喊左出黎，
可能成日都覺得好無助咁，加加埋埋就爆發出黎喇，你越安慰我我就越激動，
好彩我喊完個樣都無咩點變，哈哈！之後佢走啦，我又冷靜返！
而家好倦要早些訓！