前排睇得Keroro 太多, 套卡通入面見到好多成日用o既漢字.哈哈,以為日本人o既文字都係我地中國俾佢地架o者...點知...
有一日上網睇o左篇文章, 係有關日本同埋中國o既漢字發展o既~ 原來我地依家差唔多一半以上o既漢字,都係近代日本傳過黎,而唔係中國傳過去,真係完全估唔到~~~ 自此之後,我對日本同中國o既關係就有d研究o既好奇心...
所以前排心血來朝...不斷研究日本o既歷史... 中日歷史上o既接觸...

話說日本好耐好耐以前已經好似地中海國家咁,有殖民地主義同行動,以朝鮮半島為目標...
早係唐代o既時候,日本同當時朝鮮半島o既其中一個國家,好似叫百濟,o既關係可以話係宗主。
有次唐軍同朝鮮半島其中一個政權新羅聯軍攻打百濟,而百濟又唔多夠打,加上日本係百濟o既後台,所以日本局住出兵就打唐新羅聯軍,不過係人都知果陣唐朝係世界第一強國,同當時o既彈丸島國日本根本冇得比...
呢一場第一次中日戰爭爆發, 日本入侵, 中國勝出並擊退, 稱為白江口之役...

自此之後,日本就學習唐制,係咁派遣唐使黎中國學野,直到安史之亂...
中國就幫新羅統一朝鮮半島, 就令人佩服o既係唐朝政府將之前佔領o既朝鮮半島高麗國o既土地俾番新羅...
而新羅係中國o既幫助下... 算係統一o左朝鮮,同埋又學唐制.

事隔百年之後, 日本又係戰亂當中, 當局勢好番d 之後, 就要面對元軍入侵~
點解元軍要入侵日本呢? 話說建立元朝o既蒙古人, 天生好戰又打仗勁, 之後仲打敗o左宋, 三次西征, 打到西面果陣吞o左俄羅斯,仲打到去威尼斯, 嚇到d歐洲鬼佬真係鬼佬咁驚青~~ 而南面d 元軍又吞埋阿拉伯,中東所有地方, 仲打埋埃及, 不過唔夠埃及打~ 所以止於亞洲地區。西面南面都咁勁, d 蒙古人梗係覺得美中不足,打埋東面啦不如~~ 如是者, 屎忽裂o既忽必烈就打日本主意o勒~~ 因為果陣韓國同中國都俾佢侵晒~~ 而日本就係果陣出名o既銀礦出產國, 邊個佔領佢就發達啦~~ 加上忽必烈自己都屎忽痕, 所以就發動o左有名o既元軍侵日戰爭...

呢場戰爭有2次, 第1次元軍就帶領2萬幾人同防禦做到足o既日本武士打~~ 日本就要面對一千五百年黎最大危機o既侵入戰...
雖然蒙古人又有大炮射箭又勁~但係打到去日本o既博多港果陣~咁o岩打風~打到d元軍船唔多穩陣,而元軍就咁係撤走先...

第2次入侵o既時間,忽必烈派更多軍隊入侵日本, 今次都以為贏, 因為d軍隊係日本不同地方登陸, 爆發唔同o既小戰爭. 不過又係打風累事... 元軍o既船就俾d 風摧毀晒...

自此之後, 元軍就冇乜mood入侵日本啦~元朝亦因為咁而出現財政困難,對中國人再加剝削..
而d 日本人就叫d 風做神風~~佢地都唔好得去邊~~ 冇幾耐之後鐮倉幕府就頹啦~
但係點解戰無不勝o既元軍會輸呢??
其實係因為果陣元軍派o左好多人都係來自不同地方o既雜牌軍, 自然唔多夠打~
加上d船由當時漢人做, 佢地特登整d內河平底船俾d蒙古佬, 所以d船先咁廢~~~
第二次o既中日戰爭爆發,中國入侵,日本擊退,稱為弘安之戰~~

到o左差唔多百年之後, 即係中國明朝o既時代, 韓國o既大長今果陣, 日本o既政局立立亂~~
相信有玩信長之野望o既朋友都知道, 果陣日本亂到呀媽都唔認得, 叫戰國時代.
之後織田信長同豐臣秀吉就統一o左日本全國.原本地上最強o既信長俾人對lum o左, 於是豐臣秀吉成為o左日本o既關白.
關白可以話係日本o既統治者啦~~ 果陣咁o岩西半球果面葡萄牙同西班牙地理大發現, 哥倫布先生發現o左美洲, 跟著日本人就有同d葡萄牙接觸~ 果陣d日本人叫果d葡萄牙做南蠻~ 而d葡萄牙就提供o左d 火槍技術俾日本人~~
呀秀吉呢係日本人呢, 就非常有野心, 自己管日本都唔多掂, 於是就想傳移視線, 叫d日本仔打中國.
而中國果陣就係明朝, 算係有番咁上下實力~ 韓國就因為百幾年都冇打過仗所以d軍隊都怬懶懶散散~

終於有一日, 呀秀吉叫o左10幾萬日本軍入侵朝鮮半島做跳板, 入侵中國. 韓國人就好快俾日本仔打到就黎輸晒咁滯...
於是就向中國求救. 而中國一開波諗住出少少兵就ok~ 點知d日本仔都唔弱~ 雙方越打越多人~ 中國出兵起碼10萬... 日本都差唔多有50萬~ 係第一次o既入侵, 中國同韓國成功打敗日軍. 有玩過aoc o既朋友都知, 韓國人就係用d 龜甲船打敗日本人. 而中國d援軍就o係陸戰大勝~ 於是日本同中國同韓國議和.

然而, 豐臣秀吉始終唔肯坐定定, 又發動第二次入侵. 第二次入侵佢都精o左~ 會反間計害呀韓國英雄李舜臣~
之後狂攻. 韓國梗係慘敗啦~ 而中國又出兵幫手啦~
雙方都打得好激~~ 英雄李舜臣再出山o既時候, d日本艦隊就輸到呀媽都唔認得~
佢淨係用o左12隻軍船同一d 普通漁船, 加上聰明o既計劃, 擊退o左330隻日本戰船, 對爆o左30隻船同殺o左4千個日軍~~
而明軍雖然開頭輸o左幾次,但係後來就打贏日本陸軍同海軍~~

自此之後,明朝死o左幾十萬軍, 用o左幾百萬國庫, 所以到後尾唔夠力同滿清打而亡...
而韓國之後都頹到爆... 所有野都要百廢待興...
而日本都唔好得去邊... 秀吉死,佢個仔俾人推翻.. 俾德川吞o左, 而軍隊都死傷慘重~
中日o既第三次戰爭爆發, 日本入侵, 中韓贏, 史稱七年戰爭...

跟著o既中日戰爭就係著名o既甲午戰爭...
同埋二次世界大戰時代o既八年抗戰...
大家都好熟~ 唔多講啦~~

清楚晒中日o既軍事關係之後, 發現韓國成日俾人做戰場~~ 最慘果個~
而中國係就成日俾人打果個~ 除o左元朝(蒙古人)之外... 儒家文化唔係唔好... 不過實在太令人懦弱啦!
可憐o既中國人...

回開頭話d日本人傳番d漢字入黎中國, 已經係近代o既事...
當時日本俾d美國佬開o左關先... 所以d 思想就傳入日本先.. 日本人認為d漢字可以譯外語(當然都有片假名譯)..
跟著梁啟超就帶o左d 日本漢字黎中國... 由於日本漢字簡易, 所以好快俾人接受...
白話文運動d友仔都係o係日本讀完書, 將學晒d日本漢字帶入中國...
所以依家我地作文或者講野之中絕有大部分日本傳黎o既漢字~!!
大學o既所有科目名稱全部都係抄日本漢字o既!!!!!!!
毛澤東本語錄聽講有九成係日本傳黎o既漢字!!!
救命!!

所以話呢... 我地學習o既應該唔止中國歷史... 應該係東亞史.. 如果唔係我地o既視野就實在太狹隘啦!!!