今日為o左去參加天文莊o既活動, 放棄o左半堂國畫ILP堂, 不過我都覺得係值得o既。

當日一大班人參加者就同班現莊一齊去荃灣o既可觀自然教育中心, 入面有全港最大o既私人天文電腦化o既望遠鏡,

迷你天象館, 當然仲有大量o既天文望遠鏡啦~

可惜果日o既天氣多雲, 所以睇到o既星唔多, 不過透過佢果支大鏡同佢o既講座, 我對天文觀星o既了解又多o左唔少,

以前o既疑問都一一釐清~ 用手度o既距離原來係以座標方式用黎表示星o既距離, 1隻手指為1度, 張開手為10度, 例如牛郎星,

o係織女星o既10點鐘方向18度... 又知道星圖點用.. 咩夏季大三角、冬季大三角、秋季大四角... 總之學o左好多野。

以前觀星都係睇書居多, 又冇鏡(好粉貴), 淨係知道d理論, 宜家有埋咁多鏡真係太好啦!

雙程包車, 到會, 觀星都只不過係$25, 真係超值!

想上天文莊o既動力又增加o左啦~!

上天文莊!