除o左考試 都唔會咁早起身 3點半 d馬晨操都冇咁早啦~

點解咁早? 睇d解放軍播歌扯旗囉 其實香港金子荊廣場都有得睇 不過呢度睇d 感覺有d唔同 但係種感覺係比香港差

d觀眾多數都冇乜品 但係睇到d人口角想打交又即刻唔打 淆底d北京便衣~~ 果然係首都 好安全。

個早餐真係令人噴飯 我自己煮公仔麵可能仲好食 好彩自己要求唔多高 肚餓就乜都唔理 乜都好食 食!

咁早起身 個心諗住依家3點幾但係個鐘其實係11點 仲有咁多個鐘 點過!?

好快 我地就去到長城 上o左居庸關 雖然卡文 lara 佢地中途放棄繼續上 但係為o左做條好好漢 點都要上最高度睇下啦 係咁上 係咁上 我同呀祖係咁話以前d人點起點行 古時d人碌落山o既一定比戰死o既多~~ 我都估唔到d女仔可以咁勁咁辛苦都上到去~十個佩服。

成身汗水去十三陵 睇明朝d皇帝點葬 老實講 幾叻 幾勁o既人死o左 起幾大個陵都係俾人參觀 真可悲。

好彩果度都幾涼爽，如果唔係我就出唔到汗出油。

呢一日使用o既體力就好似踢o左10幾場波 番酒店隻腳已經軟軟地~~

呢晚發生d 咩事我唔太記得 因為晚晚都好似差唔多@@"