天光了...
時間係7點05分，左手一禁遙控開電視機係香港早晨o既聲音。尋晚10點半就訓落床... 乜都冇做過。回條、地理書連叮噹對講機o係書包原封不動，算啦唔執啦.. 去到廁所發現隻左眼腫到爆燈... 俾人打腫o左都冇咁腫! 唉..話說尋晚臨訓前怒飲4杯水，諗住清下腸胃，點知搞到今日隻眼... 差d 開唔到，以後臨訓唔飲水。
搭529P番到學，混混噩噩，自己覺得一陣小息會好肚餓，CATHY 好心陪我落去買定D 三文治同水。但係... 一見到條樓梯有九層就已經唔想行，但係冇人可以教我放棄，我唔會放棄...。幾經辛苦，我、CATHY同JAY終於登峰啦! 真係有D感動~~ 依家可以想像程爺中五時候o既生活係幾咁痛苦。無錯! 就算有lift搭都要行多層...我仲要捱多...大約七個半月。
九樓，這是個最好的樓層。
這是個最差的樓層。
入到課室，又係一班熟悉o既同學仔。自己就乖乖咁坐番自己個位。呼~自己地盤總算有d安全感。亦都終於見到著校服o既王日富返學兼無遲到。今日雖然係星期二，但係唔洗早會，所以早讀時間又到勒~ 自己冇帶書睇，就睇人地做d乜。有d人就準備中化堂o既演講題目、有d人就睇沉倫的國土 etc.，而我就無所事事咁渡過早讀時間。到o左收回條、收功\課時間，自己乜都冇簽因為尋晚差d連書包都冇開過，所以... 冇野好交，要家長簽名o既回條全部delay。
第一堂係... 經濟堂。雖然自己明白梁sir 呢part up乜野，但係我之前全部都唔明，所以總括黎講我都唔係太明。
佢\成日up 返上堂o既point，用o左好多好多時間，我覺得呢d可以省略少少... 呢堂坐o係王日富隔離，同佢\up econ就緊少啦，反而一傾英格蘭對威爾斯果場波就好雀躍，我同佢\都覺得碧咸o既長傳精度唔止99囉。比上一堂同nicola坐有d唔同，同nicola 坐好似會精神d，我又成日問佢\以前唔識o既野，佢\又好樂意解答。係囉~ 一個沉悶o既課堂就咁就完o左~ 雖然有break，但係之後o既部分有d令人窒息，頂唔順。
經濟呢科我實在有好野都miss o左同唔多明，要窮追下啦...
15分鐘o既小息時間，食3文治，又無無聊聊咁過o左。
第二堂係中化。miss梁講番d mindmap，我地果組俾人讚，有d滿足感。又收簿收紙、傾科學o既定義、抽人演講... 中化其實係一個幾生活化、幾有趣o既科目，奈何呢科up黎up走都係差唔多，中國中國儒家儒家，雖然有d悶，但係其實呢科應該可以變得更加有趣，但係要發掘呢個空間有一定難度... 總之呢一科，當佢\係一科咁溫就算了。
第三堂係中史。唔知係唔係教o既史學名著冇乜變化，所以成堂都變得好悶，個個都冇乜精神。然而我覺得呢堂係比較易過o既一堂，用半開o既眼間書、點頭、俾反應、睇睇書、up下野就完o左。
終於到o左lunch time，由於冇幹事去學生會on duty，我同jacky 買完野食就返學生會，不過emma、斯妍都早到一步，係度搞D 中六新生入學生會O既form同打篇野email俾麥根西。食完個車仔麵之後就上去搵d 六文六理d人，但係我唔係好想走，學生會間房又涼又靜，好舒服。上到去見到六文d人好似比較分散，有d山頭主義，但係佢\地都好踴躍參加學生會。相反，六理班全班都好團結，但係想參加學生會o既人比較少... 同我地果年有d唔同。搞晒之後就上返課室到九樓。
第四堂係英文。麥根西又係度點人地名問我地有冇買到書。跟著睇video，講食煙，比經濟堂更悶。唔知點解~ 聽麥根西講野我有時好似get唔到up 乜... 我同英文人仲有d 距離，我要更近!!!
班主任堂冇乜好up... 呀真姐好似成日俾馮sir針對...
放學去增值班，見到miss曲，好似好惡咁。不過真姐都好似大無畏同佢\爭執。雖然我覺得佢\成日俾老師針對，但係我覺得有原因o既... 增值班的確好靜...靜過自修室，用黎自修一流~~ 5點到就放人走佬。去自修室見到Daisy好勤力，果然勤力! 不過突然發現銀包漏o左係九樓，又要上去拎番>\"<
同jacky、lara、joe、真姐出o左閩僑，吸啖新鮮空氣，就等529落山。之後同jacky去老地方扒王之王食平價肉醬意粉，真係好抵~ 食完就一齊去買敬師日d 野... 真係好破費。咁就夾埋洗o左成8舊... 買埋對講機d電...
差唔多七點番到柴灣，撞到呀媽...同一班地鐵~ 之後就係屋企hea... 玩叮噹對講機... 個變聲器唔多掂...
呢篇日記真係一篇日記，好詳細好詳細咁講我呢一日o既感覺同行動。因為以後我o既閩僑生活都係差唔多，所以以後自己都唔多記學校普通野。就當係閩僑中七生o既基本生活啦... |
