今日終於可以打中文啦~!!! 嘩哈哈哈!
今日我地終於出發啟程去Hobart既東面, 進入比較偏遠而美麗既地方。
首先我地搵左個酒店, 呢間酒店叫Lufra hotel, 唔知係唔係住農場間爛屋太耐~~
突然間覺得係世外桃源~~ 大家都係度嘩嘩嘩!
超薄30寸電視!!!啊 好耐冇睇過電視!!
分體式冷暖氣!!! 仲有一個火爐!!! 正啊!!!
仲有洗衣機、雪櫃、電磁爐!!! 總之乜都有!! 設計又唔錯!!
有個好靚好靚既露台!! 一個落地玻璃~~
一望出去就係一個好正既沙灘!! 仲聽到海浪拍打既聲音!!
到夜晚仲睇到滿天星斗!! 非常正!!
高床軟枕!! 好暖又舒服!! 好耐未享受過!!
舒舒服服既梳化! omg! 我真係從第三世界跑出黎耶!
一晚都係每人27aud 咋!! 5個人住o岩o岩好!
一輪驚嘆之後，我地一行5人就出發到傳說中既port arthur!
Port arthur 係一個講述Tasmania早期流放罪犯既歷史...
整個主題公園有一個大型農場大... 我們就揀左個最平既飛入去
首先去左坐船睇一下一d有特色既東東~ 一個小小既島就已經埋葬左1100具以上既屍體~~
不過果日到比較夜~~ 人地就黎收工, 所以只係坐左船同睇左幾棟監獄
離開port arthur之後，我地就去補補五臟廟，去左一個叫Lemo既亞洲特色餐廳食飯!!
好貴啊! 一個人差唔多洗左27 aud~~ Alex仲請我地飲紅酒，不過麻麻麻地...
到左夜晚，又可以上網! 太好了! 神啊!
大概8點左右，我同tom 就諗住低低地玩下好耐冇玩過既足球機
點知道門俾人鎖左，跟手有個外國人叫我地經酒吧入去睇下!
一入到去，真係呆左一呆! 一班飲緊酒既，大概5個人同我同tom 講how a u doing~?
好鬼nice 啊佢地! 我就係咁依答左下yea fine, 報以笑容就行去足球機度...
但係果邊其實已經熄晒燈，我地兩個諗諗下都係唔好意思... 跟著個女經理就主動黎同我地吹水
原來間野係今年4月開幕，只有4個月咋~ 唔怪得d 野又新又乾淨啦~~ 同埋原來我地係唯一既客人....
又介紹下之前呢度原本有間房，但係燒走左... 又話每年都有bushfire... 好多樹林都冇晒~~
仲介紹附近有間朱古力廠，入面參觀都係!! 免費的!!! 仲請埋我地食朱古力!! o my god!
咁nice 既人係邊度搵!
過多一陣，佢帶我地去酒吧... 識下d 外國人~ 大部分都係中年以上既... 同佢地對話都幾考我同呀tom
既英文功力... 之後個女經理仲請我地飲beer... o my god! 咁nice 既人係邊度搵!
雖然對話中好多dead air 但係佢地都好有耐性講同聽~~~ 個個都係好好啊!~ 受寵若驚!!
原來位女經理係同呀媽同年~~~ 哈哈 佢同我呀媽一樣睇落唔似咁大...
番到去 個人已經好累~~ 就攤係張軟床度訓左lu...
|
