今日終於踏足了未曾有到過o既元朗，正是所謂「我的一小步，大威的一大步」,我的世界觀又再被擴闊了!
坐輕鐵穿插元朗市之間o既街道，感覺好似o係筲箕灣坐電車。當然, 輕鐵比較舒服一點。
原來元朗亦有如斯繁榮o既一面, 有d似九龍、深水土步o既感覺, 畀我感覺係比較熱鬧同十分市區o既地方。
補完習之後, 坐小巴返嶺大, 沿途又經過一d 村屋村, 冇高樓大廈綠化率又唔低o既城市邊緣。平時讀地理就成日話城市邊緣蠶食,依家見到d 低密度住宅, 廢車場, 完完全全feel到晒!
可能由細到大都住o係市區o既關係,以前覺得,呢d咁o既邊緣地區或者好似好荒蕪o既地區都係去旅行先見到, 但係今日一行, 對我對香港o既睇法又有d唔同, 正為「天外有天」。
夜晚同房o既Alfa首度o係hall煮炒飯, 雖然差d鹽出味~ 但係我同kenice都覺得有9.5分喎~~哈哈~~ (洗野洗死人)
|
