好黑仔呀!今日有人唔見左銀包(已經係第二次啦),搞到又要搜書包,搜袋呀,搜身呀...當然,有拎電話的我,結果俾老師發現左!但原本因為個老師太好人,佢同我講話今次當睇唔到,廳日寫番家長信番黎啦!原本我都覺得今日好好彩,至少無收到電話啦(雖然個電話已經好舊,收左都無咩所謂!)點知,當放學既時候,李副校同Ms趙黎到話要睇Locker!我都無咩所謂,諗住都唔會有事既,睇完之後Ms趙同副校好似講話無發現之類既野啦,之後走左,原本我以為副校都會走啦,點知佢臨走前叫我拎埋書包同唔見左銀包個人跟佢走,一上到去訓導處,佢問我有無留意過佢個銀包,之後搜多我一次身啦,oh,出事啦,俾佢搜到個電話,仲收左我既!唉,雖然講真,個電話真係好鬼舊呀,但係都好過無得用啦!唯有叫家長寫張家長信去囉番個電話,不過通常我老豆都唔會寫嫁......