歡迎來到好書推介園地!
MeiLing：Rachel,如果有一日,你發現身邊既人係愛滋病帶菌者,你既反應會係點
加?
Rachel：我覺得,無論佢患左咩病,既然愛佢,就應該支持同關懷佢。
MeiLing：一般人都認為,自己身為帶菌者,係好驚比人得知病況,大部份人都唔接
受、歧視這類人既。
Rachel：所以呢種睇法咪唔岩囉,幸福並唔係必然加,如果有一日,自己患上呢個絕
症呢?唔通自己唔需要人地既鼓勵同關懷咩?遇上厄運,唔代表人生係消
極同無目標加,至少唔好自暴自棄先啦!
MeiLing：咦!你呢種睇法好似呢本書裡面既主角喎!
Rachel ：係丫,個人物叫做子騖,一出世就患有先天性既血友病,一唔小心導致出血,
就一定要注射凝血素才可以止血所以,佢要成日去醫院。
MeiLing：佢阿媽會陪埋佢去,係個段時期,佢阿媽照顧子騖好辛苦加,本以為話比丈
夫知,可以替佢分憂,但係適得其反,句句洩氣既話,令到佢好無助,情緒低
落。
Rachel：佢都無放棄過丫,但係係一次既檢查中,醫生發現子騖已間接成為愛滋病
帶菌者,呢個晴天霹靂既消息,令眾人感到絕望無奈。
MeiLing：因為子騖染上愛滋病,激動既情緒一發不可收拾,憤怒咁話：「媽咪,你唔
應該生我落黎,你唔應該比我係世上受盡折磨。你地就好啦,無病無痛,我
幾無辜丫,點解我會咁樣,對我好唔公平丫!我咁勤力讀書,上進,聽話,點解
我要受呢種懲罰丫,有公理嗎?我不如一死了之,唔再做人啦!」
Rachel：雖然子騖咁講,但係子騖媽媽亦明白到,個仔先得15歲,能要求佢若無其事
去面對困境嗎?不忘時常開解佢話：「生命既意義,唔在乎佢既長短,只在
乎佢係咪充實完滿,唔好自暴自棄,把握現在既時間,面對現實。只有生命
最寶貴,珍惜一日得一日。」一啲鼓勵佢樂觀面對既說話.
MeiLing：漸漸地,子騖明白到幸福唔係必然,唔再怨天尤人,身體雖然一日差過一日,
但係出現滿懷信念既神采。
Rachel：隨住CD4開始下降,呢個時候,子騖曾一度嘗試用空氣針結束生命,但奇蹟
地死唔去。
MeiLing：唔單止呢!仲令到子騖明白到：既然天主唔比佢死,必定有使命要佢好好
生存落去,嘗透左人間悲苦,領悟到生與死唔係掌握係自己手中,令佢積極
去享受餘下既生命呢!
Rachel：子騖好積極去參與各項既比賽,活動,當中,佢獲得愛滋病徵文比賽冠軍,香
港電台劇本創作比賽季軍,呢一切都象徵住佢唔再放棄既決心。
MeiLing：但係係預備大學入學試既時候,佢終於病左啦,需要停學休養一段時間,學
校為佢保留學位,但子騖依然感到好沮喪。好快,佢再次企返起身,重返校
園。
Rachel：子騖媽媽見佢咁辛苦,而且時日無多,希望佢放棄呢!
MeiLing：但係子騖堅持唔放棄,佢個份堅持,好多健康既人都比唔上丫。
Rachel：子騖快將不在人世已成事實,佢雖然病重,但係就活係母親,家人,老師,朋友
既關愛同友愛中,佢覺得一切都係天主恩賜比佢既。
MeiLing：我覺得對生命唔應該抱有棄苦求樂既態度,苦與樂,得與失,喜與悲,皆是相
對既。
Rachel：人生本來就充滿多姿多采既,我覺得考驗亦追隨人生,逃避唔係最佳方法,
痛苦依然緊隨其後,只不過,以物野角度去看待個件事情,係自己決定,係放
棄定係積極,皆要睇自己加啦!
MeiLing：我覺得子騖係個好堅強既人啊!子騖既故事讓我明白到,對任何事情該抱
有希望既決心,成敗得失唔重要,在乎有無曾經努力過,即使敵唔過死亡,都
無遺憾啊!
Rachel：我有時係度諗,倘若逆地而處,和子騖調換,我能像他那樣堅強同積極去面
對人生嗎?這實在太困難了。佢個本遺作《海闊天空》盡載其經歷!
MeiLing：子騖既故事實在令人感懷,如果各位讀者想知道子騖係患病期間既奮鬥事
蹟,咁就要睇《地久天長》呢本書啦,好好睇加!
Rachel：同時亦希望睇左呢本書既讀者,唔好歧視感染患病既人,自己既親人都有
機會不幸染上加,唔好抱住事不關己,己不勞心既態度,給予多一D愛心同
關懷,佢地實在需要社會既支持同認同啊!
MeiLing：各位唔好執輸啦,快D去睇《地久天長》啦!
Rachel&MeiLing：多謝各位!
書名：地久天長------愛滋路上的母子情
作者：李慧珍
多謝各位瀏覽敝 blog 方便的話,留言啦^_^ Thank you!
|
