終於都到左last day

繼續對卷  但成績已經變得唔重要了

好多老師都好有我地心,又送卡,又送餅,仲有馮老師既令令file

放學後  就開始瘋狂地影相~ 基本上見人就影~

最不幸既係,明明我已經換左新電,但影左一陣就冇電><

好彩師父有後備電,可以借比我~師父~真係好感激你呀

之後繼續影~ 真係好開心~~

最後去搵埋d老師簽名同影相~ 

黃sir(econ的)好搞笑,個個都畫左唔同既公仔~

同埋,我估唔到黃生會記得我個名~好感動><

最後同旺才一齊去富亨搭車...

本來我以為自己可以忍到架...

點之..得番自己一個既時候...我真係頂唔住...

當架71a經過CPU時..我已經唔敢望過去...

但係一段段同你地相處既片段不斷在腦海中湧現出黎..

搞到我真係忍唔到...   我真係好唔捨得你地呀

其實F.4 開頭   我真係覺得o係呢班好辛苦..

個個都咁勁...自己又...

但係經過咁多日子, 我覺得你地真係好nice! 好搞笑..總之就好好好好好...啦!

我覺得o係呢班好開心!! 愈黎愈有"家"既感覺!

真係好多謝你地呀

恕我唔識講野...但係重要既係...

我真係好愛5E架!

我唔會忘記我地既回憶!!

雖然我唔知自己有冇機會可以番黎讀F.6

但係..為左可以再同你地一齊上堂,一齊玩,

我一定會好比心機考好個會考架!

你地都要加油呀~我地一齊努力~~

d相我遲少少先擺上黎,因為冇電= =   

今日要炒既始終都炒左..

不過冇乜感覺  因為預左   所以唔會特別唔開心

今日影得太少相啦><

你地聽日唔好咁快走呀!!!

我一定會搵你地影架~~!!!

我要影番夠本~~!!

今日比旺才見到我太多nor野添><

最無奈既係..  我o係學校諗住打番屋企...

點之  響左一陣啦  有個女人聽電話...

" 喂,xxx車仔 麵"

我即刻呆左= ="  即刻話打錯= =

其實我都唔知係我打錯,定係駁錯線= ="